वीरगंज । पर्साको बिन्दवासिनी गाउँपालिका वडा नं. ५ हांसवामा घाँटी रेटिएको अवस्थामा एक युवकको शव फेला परेको छ । हासवास्थित पुल नजिकै खाल्डोमा फेला परेको शवको पहिचान खुल्न नसकेको प्रहरीले जनाएको छ ।
अन्दाजी २५ देखी ३० बर्षको सेतो कालो धर्का भएको रातो टी सर्ट, कालो जीन्स पाइन्ट र रातै जुत्ता लगाएको युवकको घाँटीमा धारिलो हतियारले काटेको अवस्थामा शव फेला परेको इलका प्रहरी कार्यालय पोखरियाका प्रहरी निरिक्षक चन्द्र सिंहले वताए ।
‘घाँटीमा काटिएको जस्तो चोट छ, मृतकको पहिचान खुलेको छैन,’ उनले भने, ‘मृतकको पहिचानसँगै के कारणले मृत्यु भएको हो भन्ने बारे अनुसन्धान गरिरहेका छौं ।’
प्रहरी चौकी प्रसौनी भाठाका प्रमुख प्रहरी नायब निरीक्षक प्रेमराज मिश्रलगायतको टोलीले घटनास्थल पुगी मुचुल्का तयार गरी शव पोस्टमार्टमका लागि नारायणी अस्पतालमा पठाइएको प्रहरी निरिक्षक सिंहले जानकारी गराए ।
