वीरगंज । “सुनिश्चि बाल अधिकार, समृद्ध नेपालको आधार” मुल नाराका साथ आइतबार बाल दिवस विभिन्न कार्यक्रम गरी मनाइएको छ । किशोरी संवाद कार्यक्रम अन्तर्गत वीरगंज महानगरपालिकाको वडा नं. ३१ भेडियारीमा वक्तृत्वकला, चित्रकाला र म्युजिकल चेयर प्रतियोगिता सम्पन्न भएको छ ।
नेपाल ग्रामिण पुनर्निमाण संस्थाले आयोजना गरेको वक्तृत्वकला प्रतियोगितामा प्रथम सोभा कुमारी, द्वितिय अमृता कुमारी यादव र तृतिय इन्दु कुमारी गुप्ता भएका छन । यस्तै चित्रकाला प्रतियोगितामा सुजिता पंजियार प्रथम, किरण कुमारी राम द्वितिय र प्रतिमा कुमारी पटेल तृतिय भएका छन भने म्युजिकल चेयरको विजेता शान्ति कुमारी राम भएकी कार्यक्रमका सुपरभाइजर सुनेश्वर साहले वताए ।
श्री शारद्धा आधारभुत विद्यालयमा भएको प्रतियोगितामा वडा सदस्य पहुनिया देवी माझी, स्वास्थ्यकर्मी अनिशकान्त कुशवाहा, संवाद अधिकृत प्रकाश पाण्डे, आशिका गौरो, लक्ष्मी अचार्यले मन्तव्य राखेका थिए । प्रतियोगिता कार्यक्र स्थल विद्यालयका प्रअ रामअयोध्या प्रसादको अध्यक्षतामा भएको थियो ।
