वीरगन्ज। जिल्ला प्रहरी कार्यालय पर्सामा कार्यरत प्रहरी जवान घुससहित पक्राउ परेका छन् ।
अख्तियार दुरुपयोग अनुसन्धान आयोग हेटौँडाको टोलीले प्रहरी जवान गम्हीरा साह तेलीलाई सोमबार दिउसो पक्राउ गरेको हो । प्रहरी जवान गम्हीराले सेवाग्राहीसँग ५ हजार घुस लिइरहेको अवस्थामै रंगेहात पक्राउ परेको अख्तियारले जनाएको छ ।
वीरगञ्जको माईस्थान मन्दिर अगाडि रहेको भरत दही एण्ड स्वीट्स पसलमा सेवाग्राहीसँग जबरजस्ती घुस वापतको रकम असुली गरिरहेको विशेष सूचनाको आधारमा प्रहरी जवान गम्हीरालाई अख्तियारको टोलीले रङ्गेहात पक्राउ गरेको हो ।
पक्राउ परेको गम्भीरालाई स्थानिय वडा अध्यक्ष ध्रुव प्रसाद नेपालको रोहबरमा मुचुल्का उठाई घुसको रकमसहित आवश्यक अनुसन्धानको लागि आयोगको कार्यालय हेटौँडा लगिएको आयोगका शाखा अधिकृत कृष्ण सुवेदीले बताए ।
पक्राउ परेका प्रहरी जवान गम्भीरा जिल्ला प्रहरी कार्यालय पर्साको सहायता कक्षमा कार्यरत थिए ।
