जनकपुर । सञ्चार तथा सूचना प्रविधि मन्त्री गोकुल बास्कोटाले संघीय सरकारलाई आवश्यक्ता महसुस नभएसम्म संविधान संशोधन नहुने बताएका छन् ।
मंगलबर जनकपुर स्थित नेपाल पत्रकार महासंघ धनुषाको कार्यालयमा आयोजित पत्रकार भेटघाटको क्रममा उनले सत्तारुढ दल समाजवादी पार्टीसङ्ग भएको संविधान संशोधनको बारेमा औचित्य पुष्टी भए मात्रै संविधान संशोधन हुने मन्त्री बास्कोटाले स्पष्ट पारे ।
मन्त्री बास्कोटाले भने ‘सरकारलाई जबसम्म संविधान संशोधनको आवश्यक्ता महसुस हुँदैन, तबसम्म संविधान संशोधन हुँदैन ।’
अर्को प्रसंगमा उनले संघीय सरकार प्रदेश २ को विकासका लागि सबै भन्दा बढी लगानी गरेको बताएका छन् । मन्त्री बसकोटाले प्रदेश २ को विकासको लागि संघीय सरकार सबभन्दा बढी परियोजनाहरु संचालनमा ल्याएको दावी गरे ।
प्रदेश २ मा नेपालको एकमात्र रेल्वे सेवा, निजगढमा अन्तराष्ट्रिय विमान स्थल, कमला मरिन डाइभर्सन, मदन भण्डारी राज्यमार्ग, कोशी करिडोर, नारायणी करिडोर लगायतका गौरबा परियोजनाहरु संचालनमा ल्याएको उदाहरणको रुपमा उनले देखाए ।
सञ्चारकर्मीलाई पूर्वाग्रही भएर कलम नचलाउन आग्रह गर्दै उनले भने भने, ‘राम्रोलाई राम्रो र नराम्रोलाई नराम्रो भन्नुस् । तर, तथ्यपरक हिसाबले मात्रै समाचार सम्प्रेषण गर्नुस् ।’
मन्त्री बास्कोटोले बर्तमान नेकपाको संघीय सरकार ५ वर्षसम्म परिवर्तण नहुने समेत ठोकुवा गरेका छन् ।
