वीरगन्ज । पर्साको पकहामैनपुर गाउँपालिकाको वडा नम्बर ५ को वडा कार्यालयको भवनमा चार वटा कार्यालहरु संचालन हुदा समस्या भएको छ ।
सबैठवा स्थित रहेको वडा कार्यालयको भवनमा ४ वटा कार्यालय संचालन हुदा सेवाग्राहीहरु मर्कामा परेका छन । वडा कार्यालयमा एउटै भवनमा चार/चार वटा कार्यालय संचालन हुदा सेवाग्राहीहरुलाई सेवा लिन समस्या भएको हो ।
३ वटा कोठा मात्र रहेको वडा कार्यालयको भवनमा चार वटा कार्यालयहरु संचालन हुदा सेवाग्रहीहरुलाई समस्या भएको स्थानियवासीहरुले बताएका छन । वडा कार्यालयको भवनमा वडा कार्यालय सहित बिधुत उपभोग्ता समितीको कार्यालय, मेलमिलाप केन्द्र र प्रहरी चौकी सबैठवा संचालन हुदै आएको छ ।
बाढीले गर्दा सोही वडा कार्यालयको भवनमा प्रहरी चौकी पनि सारिए पछि थप कार्यालयहरु संचालनमा थप कठिनाई भएको स्थानियहरु बताउन्छन् । एउटै कोठामा बिधुत उपभोग्ता समिती र प्रहरीचौकीका जवानहरुको बसाईले गर्दा बिधुतको महसुल बुझाउन गएका उपभोग्ताहरु बढी समस्या भोग्दै आएको स्थानिय मनोज चौरसियाले बताए ।
वडा कार्यालयमा सेवा लिन जादा पनि भीडभाडले काममा बाधा हुने गरेको स्थानियवासीहरुको गुनासो छ । गाउँपालिकाको कार्यालयले वडा कार्यालयको समस्यालाई बुझी दिनका लागी स्थानियवासीहरु आग्रह गरेका छन ।
सम्मपुर्ण कामकाज अब वडा कार्यालय र गाउँपालिकाको कार्यालयमा गएका कारण उपभोग्ताहरुको समस्यालाई ध्यान दिन आवश्यक रहेको सबैठवाका बुद्धिजीवीहरुले बताएका छन ।
