वीरगंज । पर्साको साविक गाविस लंगडी हालको धोबिनी गाउँपालिका वडा नं. ४ आइतबार एक कार्यक्रमको बिच खुल्ला दिसामुक्त घोषणा भएको छ ।
वडा स्तरिय खानेपानी सरसफाई तथा स्वच्छता समन्वय समितिका अध्यक्ष एवं वडाध्यक्ष मजिद मियाँको अध्यक्षतामा भएको कार्यक्रममा गाउँपालिका अध्यक्ष सुरेश प्रसाद कुर्मीले खुल्ला वडालाई खुल्ला दिसामुक्त घोषणा गर्नु भयो ।
घोषणा सभामा वोल्दै कार्यक्रमका प्रमुख अतिथी समेत रहेका गाउँपालिका अध्यक्ष कुर्मीले अब बाकी रहेको एउटा वडा पनि चाँडै खुल्ला दिसामुक्त घोषणा गरिने वताउनु भयो ।
खुल्ला दिसामुक्त घोषणा सभामा गाउँपालिका उपाध्यक्ष पारस कुर्मी, युनिसेफ क्षेत्रिय कार्यालय जनकपुरका खानेपानी तथा सरसफाई अधिकृत अन्पूर्ण मिश्रा, जिल्ला स्तरिय खानेपानी सरसफाई तथा स्वच्छता समन्वय समिति पर्साका सचिव जक्की अहमद अन्सारी, प्रमुख प्रशासकिय अधिकृत सुरेश साह, नेपाल पत्रकार महासंघ पर्साका सचिव युवराज खड्का लगायतकाले मन्तव्य राख्दै खुल्ला दिसामुक्त घोषणाले मात्र नहुन भन्दै व्यहारमा लागु गर्नु पर्नेमा जोड दिएका थिए ।
कार्यक्रममा खुल्ला दिसामुक्त अभियानमा सहयोग गर्नेलाई सम्मान समेत गरिएको गाउँपालिकाका लेखापाल मन्दिप महतोले वताए ।
