वीरगंज, ६ साउन ।
पर्साको सखुवा प्रसौनी गाउँपालिकाका प्रमुख प्रशासकिय अधिकृत र लेखापाल माथी आक्रमण भएको छ । सखुवा प्रसौनी गाउँपालिका वडा नं. ६ का वडाध्यक्ष लालबहादुर यादव लगायत ५/६ जनाको समुहद्वारा आफ्नै गाउँपालिकाका प्रमुख प्रशासकीय अधिकृत सन्देश यादव र लेखापाल अकलेश सहनी माथी आक्रमण गरि कुटपिट गरेका हुन ।
गाउँ कार्यपालिका कार्यालयबाट काम सकाएर फर्कने क्रममा आइतबार साझ ४ बजेको करिबमा दुबै जना माथी वडाअध्यक्ष लगायतको समुहले आक्रमण गरेको हो । नियम विपिरितको निकासाको लागि वडाध्यक्ष यादवले केही समय पहिला देखि दबाव दिदै आएको र आफुले निकास गर्न नमिल्ने बताएका कारण आफू सहित लेखापालले माथी आक्रमण भएको प्रमुख प्रशासकीय अधिकृत यादवले वताए ।
बा १५ च ६८७९ नम्बरको भाडाको गाडी सवार दुबै जना माथी सखुवा प्रसौनी २ स्थित बाटो मै वडाध्यक्ष सहितको समुहले एकासी रोकि गाडी रोकि गालिगलौज गर्दै कुटपिट गरेका हुन । आक्रमणकारी समुहको आक्रमणले दुबै जना सवार टाटासुको सिसा समेत फुटेको छ ।
प्रमुख प्रशासकिय अधिकृत यादव र लेखापाल सहनीले आक्रमण गर्ने विरुद्ध जिल्ला प्रशासन कार्यालय पर्सा र जिल्ला प्रहरी कार्यालय पर्सामा उजुरी पनि दिएका छन । यता उक्त घटनाको बिरोधमा भोलि मंगलबार पर्साका सम्पुर्ण गाउँ कार्यपालिका कार्यालय बन्द रहने जनाईएको छ ।
