वीरगंज , ३ साउन ।
संघिय मामिला तथा समान्य प्रशासन मन्त्री लालबाबु पण्डित र लोक सेवा आयोगका अध्यक्ष उमेश मैनालीको शुक्रबार वीरगंजमा पुत्ला दहन गरिएको छ । लोक सेवाको विज्ञापनको विरोधमा वीरगंजको घण्टाघरमा प्रहरी हस्तक्षेपका बाहजुद पनि मन्त्री पण्डित र अध्यक्ष मैनालीको पुतला दहन गरिएको हो ।
देशभर जस्तै पूर्व घोषीत कार्यक्रम अनुसार वीरगंजमा पनि आन्दोलनकारीहरुले प्रदर्शन गर्नुको साथै पुत्ला दहन समेत गरेका हुन । पुतला दहन गर्न खोज्दा आन्दोलनरत पक्ष र प्रहरी बिच सामान्य झडप समेत भएको थियो । आन्दोलनकारीहरुले पुतला दहन गर्ने क्रममा सरकार र आयोगको बिरोधमा चक्र्रो नाराबाजी समेत गरेका थिए ।
आरक्षण बचाउ आन्दोलन नाम दिइएको आन्दोलन अन्तर्गत वीरगंजमा भएको पुत्ला दहन तथा प्रदर्शन कार्यक्रममा युवा नेता ओमप्रकाश सर्राफ, नेवि संघका बद्रीनाथ तिवारी, विकास तिवारी, सामाजवादी विद्यार्थीका निखिल बर्णवाल, सामाजिक अभियान्ता प्रकाश थारु, वीरगंज युवा समाजका कमल चौगाई, हमन्त तामाङ लगायतकाको सहभागिता रहेको थियो ।
देशभर विज्ञापनको बिरोधमा आन्दोलन भइरहदा पनि आयोगले आफ्नो निर्धारित कार्यतालिका अनुसार नै शुक्रबार देखी परिक्षा संचालन गरेको छ । बिरोधका बाहजुद पनि आयोगले हाल संचालन गरेको परिक्षा तत्काल स्थगित गरी पुन विज्ञापन संच्याएर परिक्षा संचालन गर्नु पर्ने आन्दोलनरत पक्षको मांग छ ।
