वीरगंज, २८ असार ।
पर्सा लगायत देशभरी नै ४ दिन देखीको अबिरल बर्षाका कारण जनजिवन प्रभावित भएको छ । बर्षाका कारण देश भरी नै आएको बाढी–पहिरोले २२ जनाको मृत्यु, आधा दर्जन वेपता र सयौं परिवार विस्थापित भएका छन । बाढीको बढी प्रभाव प्रदेश नं. २ मा देखिएको छ । तर प्रदेश सरकार भुमिका केही देखिएको छैन ।
अविरल बर्षाका कारण आएको बाढीले पर्साको वीरगंज महानगरपालिकाको पानीटंकी, रानीघाट, श्रीपुर, राधेमाई, रामगढवा लगायत ग्रामिण भेगको आधा दर्जन भन्दा बढी गाउँ डुवानमा परेको छ । यसका साथै अधिकांश बाटोहरुमा नदी जस्तै नै पानी बग्न थाले पछि धेरै जसो ठाउँको आवागमन समेत प्रभावित भएको छ ।
श्रीसिया खोलामा आएको बाढीले वीरगंजको रानीघाट, श्रीपुर, राधेमाई, रामगढवाको सयौं घर डुवानमा परेको छ । बाढीको पानी बस्ती छिरेपछि खोला किनार वा नजिक रहेको बस्ती डुवानमा परेको हो । बस्ती नै डुवानमा परे पछि धेरै जसोले घर बाहिर निस्कन पाएका छैनन् भने घरमा रहेको खानेकुरा पनि सकन थालेको श्रीपुर निवासी मुकेश साहले वताए ।
घर बाहिर पानी नै पानी भएका कारण शुक्रबार दिउसो देखी नै घर बाहिर निस्कन नसिकिएको उलने वताए । घरमा रहेको तरकारी लगायतको खाने कुरा पनि सकेको र बाहिर निस्कन सक्ने अवस्था नरहेकोले समस्या भएको उनले जानकारी गराए । कतिपयको घरमा समेत पानी पसेका कारण अरुको घरमा बसिरहेका छन उनले वताए । यस्तै अवस्था रानीघाट, रामगढवा र राधेमाईमा पनि रहेको छ ।
यस्तै पानीटंकीको धेरै जसो घरमा पनि पानी पसेको छ । पानीटंकीको धेरै जसो घरको भुई तल्लामा पानी पसेको स्थानिय गोमा कठायतले वताईन । घरमा पनी पसेका कारण बस्न, खान पनि सिमस्या भएको छ भने अरुको घरवा कोठामा बास बस्नु परेको अवस्था रहेको छ ।
यता पसाको कालिकामाई गाउँपालिकाको वडा नं. १ को रबिदास र वडा नं. २ को सानो गदियानीमा बाढी आउन सकने गाउँवासीमा त्रास बढेको छ । सिकटा नदिको किनारमा यी गाउँ रहेकोले त्रास बढेको हाम्रा सहकर्मीले वताएका छन । यी गाउँहरुको अरु गाउँ संगको सम्पर्क समेत टुटेका कारण झन गाउँवासीहरु त्रसित भएका छन । नदीमा पानीको बहाव बढने क्रम रहेको र गाउँ नजिकै समेत पानी पुगि सकेकोले शुक्रबार राती रात भरी गाउँवासीहरु जागरम बसी रात विताएका छन ।
यस्तै पकहा मैनपुर गाउँपालिकाको वडा नं. ५ पोखरिया बासी पनि त्रसित भएका छन । सिकटा नदिको किनारमा नै पोखरिया पनि रहेकोले गाउँ बासी त्रसित भएका हुन । पोखरियाको पनि अरु गाउँ संगको सम्पर्क टुटेको छ भने गाउँ नजिकै सिकटा नदिको बांध टुटेका कारण त्रास सृजना गरेको गाउँवासीहरुले वताएका छन ।
पकहा मैनपुरको वडा नं. ५ मा रहेको प्रहरी चौकी सबैठावा डुवानमा परे पछि वडा कार्यालयमा सारिएको छ । सबैठवाको उत्तरबाट गाउँमा पानी पसन थालेको छ भने एक दर्जन भन्दा बढी घरहरु डुवानमा परेका छन ।
यता छिपहरमाई गाउँपालिकाको हाल पनि बेहाल छ । छिपहरमाई गाउँपालिकाको अधिकांश गाउँ सिकटा र ओरिया नदिको बिचमा रहेका कारण यहांका बासीहरु त्रसित भएका हुन । छिपरहमाई गाउँपालिकाको वडा नं. ५ भिस्वामा पानी पसन थाले पछि एक दर्जन भन्दा बढी घर डुवानमा परेका छन । घरहरुमा पानी पस्न थाले पछि घरमा रहेको सामानहरु समेत अरु ठाउँमा सारिएको हाम्रा सहकर्मी अलोक कुशवाहाले वताए । प्रहरी चौकी भिस्वा र सशस्त्र प्रहरी बोर्डर आउट पोस्ट भिस्वा पनि डुवानमा परेको उनले जानकारी गराए ।
