काठमाण्डौ, २६ असार ।
लोक सेवा आयोगले गरेको स्थानिय तहको कर्मचारी भर्ना प्रक्रिया नरोकिए पछि नेपाल बन्द सहितको आन्दोलन कार्यक्रम घोषणा गरिएको छ । संविधानको मुल मर्म र समावेशी सिद्धान्त विपरीत लोक सेवा आयोगले जेठ १५ गते गरेको स्थानीय तहको असमावेशी विज्ञापन र प्रक्रिया रद्द गरि तुरुन्त आरक्षण सहितको विज्ञापन प्रकाशित गर्न मांग गर्दै आन्दोलनको कार्यक्रम घोषण गरिएको आरक्षण बचाउ अभियानका अधिवक्ता आनन्द गुप्ताले वताए ।
आरक्षण बचाउ आन्दोलन अन्तर्गत असार २८ गते काठमाडौ लगायत देशको विभिन्न ठाउँमा प्रचार-प्रसार र पर्चा वितरण, २९ गते मशाल जुलुस, ३० गते सिठ्ठी जुलुश, ३१ गते काठमाडौको विभिन्न ठाउँहरुबाट जुलुस सहित माईति मण्डलामा बिशाल जनप्रदर्शन र साउन २ र १० गते नेपाल बन्दको कार्यक्रम घोषणा गरिएको गुप्ताले जानकारी गराए । लोक सेवाले विज्ञान प्रक्रिया नरोके पछि आदिवासी जनजाति, मधेसी, मुस्लिम, महिला, दलित, अपांग र पिछडिएको क्षेत्रको तर्फबाट आन्दोलनको कार्यक्रम घोषण गरिएको हो ।
यसका सथै आरक्षण बचाउ आन्दोलनले सबै स्थानिय तहलाई लोक सेवाले गरेको विज्ञान पत्र मार्फत फिर्ता लिन आग्रह गरेको छ । संसद राज्य ब्यवस्था समितिले विज्ञापन रद्द गर्न निर्देशन दिए पनि त्यसलाई व्यवस्ता गर्दै लोक सेवा आयोगले कर्मचारी भर्नाको लागि साउन ३ गते देखि परिक्षा संचालन गर्दैछ ।
