महोत्तरी : मधेस अधिकार संघर्ष समिति (मास)ले आज (आइतबार) लोकसेवा आयोगको कार्यालय महोत्तरीमा तालाबन्दी गरेको छ। मासका संयोजन समिति सदस्य सुशील कर्ण, सरोज मिश्रसहित एक दर्जन युवाहरूले आज दिउँसो ११ः३० बजे लोकसेवा आयोगको कार्यालयमा ताला लगाएका छन्।
- Advertisement -
लोकसेवा आयोगले संविधानको भावना विपरीत विज्ञापन गरेको भन्दै कार्यालयमा ताला लगाएको मासका सुशील कर्णले जानकारी दिए। ताला लगाउने क्रममा प्रहरी र मासबीच सामान्य वाद–विवाद समेत भएको थियो।
कार्यालयमा कर्मचारी न्यून भएका बेला प्रहरीको उपस्थितिमा मासले लोकसेवा आयोगको कार्यालयमा ताला लगाएको हो। आयोगले विज्ञापन फिर्ता नलिए आन्दोलनलाई अझ कठोर बनाउँदै लाने मासले चेतावनी दिएको छ।
कार्यक्रममा मासका सरोज मिश्र, सुशील कर्ण, मनोज साह, प्रभाष राय जनक, दीपक ठाकुर, शंकर चौधरी, किशन मण्डल, दीपक चौधरी लगायत उपस्थित थिए।
