वीरगंज,१९ जेष्ठ ।
प्रतिनिधि सभा सदस्य (सांसद) प्रदिप यादवले गरिब तथा दैनिक ज्यालादारी गरेर खानेहरुलाई असर पर्ने गरी खाद्यान्न समाग्रीहरुमा लगाइएको भ्याट कर तत्काल हटाउन मांग गरेका छन ।
आर्थिक वर्ष २०७६/०७७ को बजेट माथी आईतबार देखि संघिय संसदमा शुरु भएको छलफलमा बोल्दै सांसद यादवले आम जनताको दैनिकी संग जोडीएको खाद्यान्न समाग्रीहरु आँटा र सोयाविनमा लगाइएको भ्याट कर तत्काल हटाउन सभामुख मार्फत अर्थमन्त्रीको ध्यानाकर्षण गराएका हुन ।
सांसद यादवले भने ‘सरकारले भनिरहेको छ समृद्ध नेपाल सुखी नेपाली तर सरकारको भनाई र गराईमा धेरै फरक छ’ । आम जनताले दैनिक उपभोग गर्ने खाद्यान्न समाग्रीमा भ्याट कर लगाएर नेपाली सुखी हुदैनन् त्यसकारण आम जनतालाई असर पार्ने त्यस्ता कर हरुलाई तत्काल हटाउन अर्थमन्त्रीलाई यादवले गरे ।
समाजवादी पार्टी पर्साका अध्यक्ष समेत रहेका सांसद यादवले भने ‘आँटा र सोयाविनमा लगाइएको करले ठुलाबडाहरुलाई खासै असर पर्दैन जो दैनिक काम गरेर खाने गरिब किशानहरु छन’ ।
उनिहरुलाई महंगीले दैनिक जिविको पार्जन गर्न समेत अप्ठायारो हुने भएकोले यस्ता कर कुनै पनि हालतमा नलगाउन र तत्काल फिर्ता लिन समेत सांसद यादवले सदनको ध्यानाकर्षण गराएका थिए ।