वीरगंज, १३ जेठ ।
पर्साको कालिकामाई गाउँपालिकाको वडा नं. २ भेडिहारीमा रहेको श्री सुकई साह माध्यमिक विद्यालयको अभिभावक भेला आज सम्पन्न भएको छ । विद्यालय प्राङ्गणमा भएको अभिभाव भेलाले केही समय पहिला गठन भएको विद्यालय व्यवस्थापन समितिलाई पूर्णता दिएको छ ।
भेलाले विद्यालय व्यवस्थापन समितिको सदस्यमा राजराम बैठा र लालसा देवी कानुलाई सर्वसम्मत चयन गरेको हो । यस अघि गाउँपालिकाले बनाएको शिक्षा नियमावली अनुसार विद्यालय व्यवस्थापन समितिको अध्यक्षमा शिवपुजन साह तेली, सदस्यहरुमा वडा सदस्य जयकिशुन मण्डल र विद्यालयका प्रअ रामबालक चौरसिया चयन भएका थिए ।
वाकी रहेको अभिभाव भेलाले छनौट गर्नु पर्ने २ जना सदस्यलाई आजको अभिभाव भेलाले चयन गरेको हो । विवादित शिक्षा नियमावली अनुसार नै श्री सुकई साह मा.वि.को वद्यालय व्यवस्थापन समिति गठन भएको । गाउँपालिका शिक्षा नियमावली निर्माण गर्ने बेला शिक्षा नियमावली सम्बन्धमा विवाद भएको थियो भने पछि विवाद सेलाउदै गए पछि विद्यालय व्यवस्थापन समिति गठन भएको हो ।
अभिभाव भेलाले विद्यालयलाई १० प्लस २ बनाउन पनि मांग गरेको छ । स्थानिय गैर सरकारी संस्था ब्रिलिएन्ट युवा क्लबको अगुवाईमा ९ महिना देखी विद्यालयलाई प्लस २ बनाउन विभिन्न दबावमूलक क्रियाकलाप हुदै आए पनि हुन सकेको छैन ।
विद्यालयका प्रअ रामबालक प्रसाद चौरसियाको अध्यक्षता र वडा अध्यक्ष सोनालाल चौरसियाको प्रमुख आतिथ्यतामा भएको अभिभावक भेलाको सहजिकरण शिक्षक सोनालाल साहले गरेका थिए ।
