वीरगंज, १२ जेठ ।
पर्साको पकहा मैनपुर गाउँपालिकाको वडा नं. ३ मैनपुरमा रहेको श्री नेपाल राष्ट्रिय प्राथमिक विद्यालयको विद्यालय व्यवस्थापन समिति आज गठन भएको छ । विद्यालय प्राङ्गणमा भएको अभिभावक भेलाले रमेश पटेलको अध्यक्षतामा सर्वसम्मत विद्यालय व्यवस्थापन समिति गठन गरेको हो ।
- Advertisement -
जुन समितिको पुरुष सदस्यमा रामप्रबेश प्रसाद कुर्मी, रामकिशोर प्रसाद कुर्मी, महिला सदस्यमा लाईची देवी र मराछो देवी चयन भएका छन । अभिभावक भेलामा गाउँपालिकाकी उपाध्यक्ष कुशमी देवी, वडा अध्यक्ष मदन साह कानु, जिल्ला शिक्षा समन्वय ईकाई कार्यालयका प्रतिनिधि दामोदर पाण्डे लगायतको उपस्थिती रहेको थियो ।
