वीरगन्ज, ११ जेठ ।
पर्साको बहुदरमाई नगरपालिकाको वडा नं. ८ रामनगरीको एक घरमा गएराती चोरी भएको छ । घरमा कोही नभएको बेला रातीको समयमा आएका चोरहरुले स्थानिय सुरेश साहको घरमा चोरी गरी नगद रु ३ लाख सहित गरगहना चोरेर लगेका हुन ।
घर भित्र ट्रंक पेटीमा राखिएको नगद रु ३ लाख सहित गरगहना गरी ६ लाख बराबारको धनमाल चोरहरुले चोरेर लगेको पिडित साहले वताए ।
पेटीको ताल्चा फोडी चोरहरुले पेटी भित्र रहेको लत्ताकपडा फाली रुपया र गहना चोरी गरि लगेको प्रहरीले जनाएको छ । चोरी गर्ने चोरहरुको खोजी तलाश भइरहेको इलाका प्रहरी कार्यालय पोखरियाका प्रहरी निरिक्षक मछिन्द्र केशीले वताए ।
केही समय यता पर्साको ग्रामिण भेगमा चोरीको घटनामा कमी आए पनि फेरी आएर चोरी हुनुले स्थानियहरु त्रसित भएका छन । प्रहरीले यस्तो घटनामा संलग्नलाई जुनसुकै हालतमा पता लगाई पक्राउ गरी कर्वाही गर्न स्थानियहरुले मांग समेत गरेका छन ।
