वीरगन्ज, ९ जेठ ।
नेपाल बिद्यार्थि (नेवि) संघ पर्साले आज जिल्ला प्रशासन कार्यालय पर्साको अगाडि एक घंटा धर्ना दिएको छ । बिगत एक हप्ता अगाडी संघले बिभिन्न मागहरु अघि सार्दै जिल्ला प्रशान कार्यालयमा ज्ञापन पत्र बुझाएको थियो ।
पटक पटक लिखित तथा मौखिक रुपमा जानकारी गराउँदा पनि आफ्ना मागहरुको सुनुवाइ नभएपछि बाध्य भएर धर्ना दिनुपरेको नेपाल बिद्यार्थि संघ पर्साका अध्यक्ष बिश्वास रन्जन दिवेदीले बताउनुभयो ।
संघले निजि बिद्यालयहरुमा बिद्यार्थिहरुलाई दश प्रतिशत छात्रबृति दिनुपर्ने, स्कुल बसहरुमा एकरुपता गर्नुपर्ने, सरकारी स्कुलहरुमा भर्ना शुल्क नलिने तथा लिएकाको फिर्ता गर्नुपर्ने एवं दिवा खाजा कार्यक्रम सबै ठाउँमा कार्यन्वयन गर्नुपर्ने र पाठ्यपुस्कतक उपलब्ध गराउनुपर्ने लगायतका नेवि संघकाे मागहरु राखेको छ ।
धर्नामा नेवि संघ पर्साका उपाध्यक्षद्वय बिकेश पटेल, रुद्र हल्दार, सचिबद्वय प्रभात सिँह, अब्दुल कयुम, महानगर अध्यक्ष बिबेक गुप्ता, मन्जीब मिश्रा लगायत अन्य पदाधिकारीहरुको सहभागिता रहेको थियो ।