वीरगंज । पर्साको छिपहरमाई गाउँपालिकामा निःशुल्क लोक सेवा तयारी कक्षा सुरु भएको छ । छिपरहमाई गाउँपालिकाको सहयोगमा र सुनौलो नेपालको आयोजनामा शुक्रबार देखी लोक सेवा तयारी कक्षा सुरु भएको हो ।
वडा नं. २ का अध्यक्ष महेन्द्र प्रसाद कलवारको अध्यक्षतामा र जिल्ला समन्वय समिति पर्साका सदस्य सुभाष साह कानुको प्रमुख आतिथ्यतामा उदघाटन समारोह भएको थियो ।
सो कार्यक्रममा आयोजक संस्था सुनौलो नेपालका अध्यक्ष अमोद कुमार केवँठ, गाउँपालिकाका आई.टी. अफिसर संजिव यादव, शिक्षा प्राविधिक सहायक पप्पु कुमार यादव, लगायतकाले सुभकामना मन्तव्य राखेका थिए ।
छिपहरमाई गाउँपालिकाको सम्भौता सुरु भएको लोक सेवा तयारी कक्षामा एचिभर्स इन्स्टिच्युटका संचालक दिपक पटेल र अजय साहले प्रशिक्षण दिईरहेका छन ।
एक महिना सम्म चल्ने कक्षामा गाउँपालिका अन्तर्गतका २० जना युवायुतीहरुको सहभागिता रहेको छ ।
