वीरगंज,३ जेठ ।
संसदमा दर्ता भएको मिडिया काउन्सिल विधेयकसहित अन्काय केही कानुनमा रहेका केही प्रावधानले स्वतन्त्र प्रेसको अभ्यासलाई नियन्त्रण गर्ने ठहर गर्दै आन्दोलित भएको नेपाल पत्रकार महासंघले विरोध प्रदर्शन गरेको छ ।
नेपाल पत्रकार महासंघ पर्सा शाखाले शुक्रबार प्रदर्शन गरेको छ । जिल्ला प्रशासन कार्यालय अगाडी धर्ना दिदै पत्रकार महासंघ पर्सा शाखाको अगुवाईमा पत्रकारहरुले आफनो पेशामा प्रयोग हुने समाग्रीहरुको प्रदर्शन गदैै विधेयकको विरोध गरेका छन् । विरोधको क्रममा प्रदेश नं २ का प्रदेश अध्यक्ष दीपेन्द्र चौहानले संघ र प्रदेश सरकारले गणतन्त्र र लोकतन्त्रका प्रमुख संवाहक पे्रसमाथी अधोषित तरिकाबाट प्रतिबन्ध लगाउने तैयारी गरेको आरोप लगाए छन् भने प्रदेश सरकारले ल्याएको संचार बिधेयक प्रेस स्वतन्त्रता कुण्ठित गर्ने षयन्त्र भएको जानकारी दिए ।
प्रदेश उपाध्यक्ष केसी लामिछानेले प्रदेश सरकारले महासंघसंग गरेको छलफल, प्रतिबद्धता विपरित संचार विधेयक दर्ता भएको र वर्तमान संघ र प्रदेश सरकार संचार मैत्री नभएको र तानाशाही बाटो अवलम्ँबन गरेको आभास हुन लागेको बताए । विरोध कार्यक्रम शाखा अध्यक्ष श्याम बन्जाराको अध्यक्षतामा भएको थियो । महासंघको अगुवाइमा भएको प्रदर्शनमा प्रेस स्वतन्त्रता तथा नागरिक अधिकारसम्बन्धी विभिन्न नारा लगाइएको थियो ।
