वीरगंज, ३० बैशाख ।
पर्साको छिपहरमाई गाउँपालिकाको वडा नं. ३, जयमांगलापुरमा आइतबार एक युवतीले पासो लगाई आत्म हत्या गरिकी छिन । जयमांगलापुर निवासी रमेश मुखिया बिनको श्रीमती अं. बर्ष २२ की बिन्दी देवी मुखियाले घरमा कोही नभएको अवस्थामा आफ्नो सुत्ने कोठाको सिलिङ फ्यानमा झुण्डीएर आत्म हत्या गरेकी प्रहरीले जनाएको छ ।
आत्म हत्याको खबर प्राप्त साथ ईलाका प्रहरी कार्यालय पोखरियाबाट टोली खटि गई लासको पोष्ट मार्टमको लागि नारायणी अस्पताल वीरगंजमा पठाईएको र घटनको सम्बन्धमा थप अनुसन्धान भइरहेको इप्रका पोखरियाका प्रहरी निरिक्षक मछ्रिन्द्र केसीले वताए ।
मृतकका ससुरा अमिरी मुखिया विन र श्रीमान आइतबार वीरगंजमा रहेका थिए । मृतकी माइती भारतको बेतियामा रहेको छ ।
यता सोमबार विहान पनि छिपहरमाई गाउँपालिकामा एक युवती पासो लगाई आत्म हत्या गरेकी छिन । छिपरहमाईको वडा नं. २ निवासी विलास महतोकी श्रीमती बर्ष २० की सन्तोषी महतोले आफ्नै घर पछाडीको अम्बारको रुखमा रातो सुतिको साडीको पासो लगाई झुण्डी मृत्यु भएको प्रहरीले जनाएको छ ।
घटनाको सम्बन्धमा इप्रका पोखरियाबाट प्रहरी टोली खटि गई शव पोष्ट मार्टमको लागि नारायण अस्पताल वीरगंजमा पठाउने कार्य गरी थप अनुसन्धान भइरहेको जिल्ला प्रहरी कार्यालय पर्साले जनाएको छ ।
