वीरगंज, २८ बैशाख ।
वीरगंज महानगरपालिकाको वडा नं. २ छपकैया तुथबारी टोलवासी बिगत ४ वर्ष देखि विजुली, नाला तथा बाटोको समस्या खेप्दै आएका छन । छपकैया वासीले समस्या बारे महानगरपालिका कार्यालय र विद्युत प्राधिकरण वीरगंज शाखालाई लिखित र मौखिक जाकारी गराउदा केही नगरेको आरोप लगाएका छन ।
टोलमै शनिवार बसेको स्थानियबासीहरुको बैठकले बिगत ४ वर्ष देखि समस्या समाधानको लागि वीरगंज महानगरपालिका कार्यालय र नेपाल विद्युत प्रधाकिरण पर्सालाई बारम्बार ताकेता गर्दा पनि कुनै वास्ता नगरेको आरोप लगाए हुन । सो टोलमा बाटो एकदमै सांगुरो र नाला समेत नभएकोले आपत्तविपत्त पर्दा एम्बुलेन्स र वारुण यन्त्र समेत जाने बाटो नभएको टोल वासीहरुले वताएका छन् ।
वीरगंज महानगरपालिका कार्यालय र वडा कार्यालयमा स्थानियबासीहरुले बारम्बार बाटो निर्माणको लागि ज्ञापनपत्र मार्फत ध्यानाकर्षण गराए पनि हाल सम्म सुनवाई नभएको स्थानिय समिना खातुनले गुनासो गरिन ।
साथै सो टोलमा बिगत ४ वर्ष देखि विजुलीको पोल भए पनि तार जडान नभएको तथा केहि पोलहरुमा तार जडान भए पनि तार बाटोमै झुण्डिएकोले कुनै पनि बेला दुर्घटना हुन सक्ने डरले टोलवासी चिन्तित बनेका छन् ।
