वीरगञ्ज, २७ बैशाख ।
पटेर्वा सुगैली गाउँपालिकाको न्यायिक समितिमा यस आर्थिक बर्षमा दर्ता भएको सबै मुद्दामा कर्वाही भएको छ । इजलाशको माध्यमले आर्थिक बर्ष २०७५/०७६ मा हाल सम्म न्यायिक समितिमा दर्ता भएको ९५ ओटा मुद्दामा कर्वाही भएको न्यायीक समितिकी संयोजक समेत रहेकी पटेर्वा सुगौली गाउँपालिकाकी उपाध्यक्ष ममता महतोले वताईन ।
न्यायिक समितिको इजलाशले न्यायीक समितिमा दर्ता भएको जग्गा सम्बन्धि ५२ ओटा मुद्दा मध्ये २७ ओटा मिलापत्र, २३ ओटा नाप नक्सा गर्न आदेश गरेको र ४ ओटा अंश मद्दा रहेको उनले वताईन । न्यायीक समितिमा परेको १८ ओटा झै–झगडा लुटपिट, गली बैइज्जत सम्बन्धि मुद्दा मध्ये १० ओटा मिलापत्र, ४ ओटा निर्णय र ४ ओटा तारेख/पेशीमा रहेको छ ।
यस्तै यस बर्ष न्यायीक समितिमा २ ओटा पति–पत्नी बिच सम्बन्ध विच्छेदको मुद्दा पनि दर्ता भएको थियो । उनले भनिन ‘सम्बन्ध विच्छेदको मुद्दामा दुबै पक्ष बिच सहमती गराइएको हो’ । यस्तै पैसा लेनदेन सम्बन्धि १७ ओटा मुद्दा न्यायिक समितिमा दर्ता भएकोमा ९ ओटा मिलापत्र र ८ ओटाको समय तोकी आदेश भएको न्यायी समिति शाखाले जनाएको छ ।
न्यायीक समितिमा बैदेशिक रोजगार सम्बन्धि पनि २ ओटा मुद्दा दर्ता भए पनि स्थानिय सरकार संचालन ऐन २००४ को दफा ४७(१) तथा दफा ४७(२) वमोजिम दिएको अधिकार क्षेत्र भन्दा वाहिरको मुद्दा रहेकोले सम्बन्धि निकायमा पठाइएको न्यायीक समितिकी संयोजक महतोले वताईन ।
यस्तै जनता आवास सम्बन्धि २ ओटा र बाध पैनी सम्बन्धि दर्ता एक ओटा मुद्दा निर्णय भएको र पशुपंक्षी तथा चल्ला सम्बन्धी दर्ता भएको २ ओटा मुद्दा निर्णय भएको उनले जानकारी गराईन । गाउँपालिकाको हरेक वडामा मेलमिलाप केन्द्र स्थापना भएको छ । ३÷३ जना मेलमिलापकर्ता रहेको केन्द्रमा प्राय मुद्दाहरु पठाई पनि समाधान गर्ने गरिएको महतोले वताईन ।
न्यायीक समितिमा पहिला भन्दा अहिले मुद्दाको संख्यामा वृद्धि भएको छ । मुद्दाको संख्यामा वृद्धि भए पछि सात दिनमा एक पटक लाग्दै आएको न्यायीक समितिको इजलशा अहिले आएर ३ दिनमा लग्दै आएको प्रमुख प्रशासकिय अधिकृत सरोज कुमार चौधरीले वताए । ३ सदस्यि रहेको न्यायिक समितिमा एक जना कानुनी सल्लाहकार पनि रहेका छन ।
