वीरगन्ज, १३ बैशाख ।
पर्साको पर्सागढी नगरपालिकाको वडा नं. ३, हातीवन जंगलमा एक जनाको मृत्यु भएको छ । मृत्यु हुनेमा वीरगंज महानगरपालिका वडा नं. २९, बसडिलवा बस्ने दुखा हजराको छोरा बर्ष २७ को सुरेश हजरा रहेको प्रहरीले जनाएको छ ।
बिहिबार दिउसो दाउरा लिन जंगल गएकोमा हांगा काटदा उक्त हांगा जिउमा खसी च्यापी मृत्यु भएको जिल्ला प्रहरी कार्यालय, पर्साले जनाएको छ ।
यस्तै बिहिबार नै वीरगंजमा बिष सेवन गरी एक जनाको मृत्यु भएको छ । वीरगंज महानगरपालिकाको वडा नं. १०, नयाँ बस्ती बस्ने अन्दाजी बर्ष ५०÷५५ को बृजकिशोर वर्णवालको मृत्यु भएको प्रहरीले जनाएको छ ।
घरायसी समस्याका कारण नाम नखुलेको विषादी र मा.प.से. समेत सेवन गरी विरामी भई उपचारको लागि नारायणी अस्पतालमा ल्याएको थियो । उपचार कै क्रममा राती १० बजे बर्णवालको मृत्यु भएको जिल्ला प्रहरी कार्यालयले प्रेस विज्ञप्ती मार्फत जनाएको छ ।
