वीरगंज, ९ बैशाख ।
पर्साको पकहामैनपुर गाउँपालिकाको वडा नम्बर ४, लहावरथकरीमा प्रिमियर लिंग क्रिकेट प्रतियोगिता सुरु भएको छ । प्रतियोगिताको एक कार्यक्रमका बिच पुर्ब सांसद एवं नेकपाका नेता राजकुरमार गुप्ताले उदघाटन गरेका छन । लहावरथकरीमा आयोजित प्रिमियर लिंग २०७६ को सोमबार उदघाटन गर्दै नेता गुप्ताले पकहामैनपुर गाउँपालिकाका लागी गाउँपालिका स्तरिय क्रिकेट मैदानको लागी केन्द्रबाट आउदो आर्थिक बर्षमा बजेट पारीत गराएर छोडने प्रतिबद्धता गर्नु भयो ।
कार्यक्रमलाई संबोद्धन गर्दै गुप्ताले खेलले शारिरको लागी, स्वास्थ्यका लागी अति नै उतम रहेको बताए । उनले गाउँपालिकाबाट पनि केन्द्र स्तरमा खेलाडी जानु पर्ने शुभकामना ब्यक्त गर्नु भयो । मदन पासवानको अध्यक्षतामा भएको उदघाटन समारोहमा नेकपाका प्रदेश नम्बर २ का सदस्य प्रभु पटेल, हमिद मियाँ, पन्नालाल यादव, सोनालाल चौरसिया, पत्रकार छठु साह लगायतकाले मन्तब्य राखेका थिए ।
क्रिकेट प्रतियोगीतामा नेपाल र भारतका १६ वटा टिम सहभागी हुने आयोजक टिमका शत्रुधन गिरीले वताए । आजको प्रथम खेल आयोजक क्रिकेट टिम छोटका लहावरथकरी र कालिकामाई गाउँपालिकाको वडा नमबर ४, प्रशुरामपुर बलुवा बिच र दोस्रो खेल धोरे र सबैठवा बिच हुने भएको गिरीले जानकारी गराए ।
