वीरगंज , ७ बैशाख
बालुवाटार र ह्यात जग्गा प्रकरण सम्बन्धि खबरदारी कार्यक्रम शनिबार वीरगंजको घण्टाघरमा सम्पन भएको छ । विवेकशिल साँझा पार्टी प्रदेश नं. २ को आयोजना भएको कार्यक्रमका सहभागिहरुले बोलौ साथी बोलौ भ्रष्टाचारीको पोल खोलौ, ठुला माछा कता ? बालुवाटार छ जता, जस्ता नारा लेखेको टोपी लगाएर विरोध प्रदर्शन गरेका थिए ।
विवेकशिल साझा पार्टीका नेता विजय यादवको अध्यक्षतामा भएको खबरदारी कार्यक्रममा पार्टीका युवा नेताहरुले खबरदारी कार्यक्रमलाई सम्बोधन गर्दै युवा नेता विजय यादवले कांग्रेस र एमालेका नेताका कारण देशमा भ्रष्टाचार मौलाएको आरोप लगाउदै अब देश विकासको लागि युवा पुस्ताह अगाडी आउनुपर्ने बताएका थिए । युवा नेता यादवले देशमा बर्षौ देखि शासन गर्दै आएका कांग्रेस र एमालेका नेताहहरु एकले अर्कालाई दोष थुपार्ने गरेको भएपनि भ्रष्टाचारीलाई कारवाही हुन नदिन एक हुने गरेको आरोप लगाए ।
कार्यक्रममा विवेकशिल साझा पार्टीका युवा नेताहरु धनिलाल प्रसाद, अकलेश पंडित, विकास पटेल, हासिम अंसारी, राजन गुप्ता ,रंजित साह लगायतको उपस्थिती रहेको थियो ।
