वीरगंज, ६ बैशाख ।
नेपाल विद्यार्थी (नेवि) संघको ४९ औ स्थापना दिवसको अवसरमा शुक्रबार सांझ वीरगंजमा दिप प्रज्वलन गरिएको छ । नेवि संघको स्थापना दिवसको अवसरमा नेवि संघ नगर समिति वीरगंजको आयोजना वीरगंजको घण्टाघरमा दिप प्रज्वलन कार्यक्रम गरिएको नेवि संघ, पर्साका अध्यक्ष बिश्वास द्विवेदीले वताए ।
नेवि संघका नगर अध्यक्ष बिवेक कलवारको अध्यक्षतामा र नेपाली कांग्रेसका महा समिति सदस्य प्रकाश उपाध्यायको प्रमुख आतिथ्यतामा दिव प्रज्वलन कार्यक्रम भएको थियो । कार्यक्रममा वोल्ने वक्ताहरुले नेवि संघको योगदानको बारेमा चर्चा गर्दै देश र विद्यार्थीको हितको लागि लडिरहेने वताए ।
नेवि संघ पर्सा अध्यक्ष द्विवेदीले सहजिकरण गरेको कार्यक्रममा नेपाली कांग्रेस पर्साका सचिव शिव पटेल, जिल्ला सदस्य महमद साहबुदिन, मुस्लिम संघका महासचिव महमद सतार, नेवि संघका पूर्व अध्यक्ष सुधिर पटेल, बद्रीनाथ तिवार, युवा नेता धर्मेन्द्र पटेल लगायतकाले मन्तव्य राखेका थिए ।
