पर्सा, ३० चैत ।
पर्साको पोखरिया नगरपालिकाको वडा नं. ३, बसन्तपुरमा शनिबार कुस्ती प्रतियोगिता सम्पन्न भएको छ । रामनवमीको अवसरमा बसन्तपुरमा लागेको मेलामा कुस्ती प्रतियोगिता सम्पन्न भएको हो ।
- Advertisement -
कुस्ती प्रतियोगितामा भारत बनारसका संजय यादव उत्कृष्ट घोषित भए । यादवले भारत गोरखपुरका पप्पु ठाकुरलाई पराजित गरेका थिए । वडाध्यक्ष अजय साह कलवारको अध्यक्षतामा भएको कुस्ती प्रतियोगिताको उदघाटन नगर प्रमुख दिपनारायण रौनियार (मन्टु) ले गरेका थिए ।
नगर प्रमुख रौनियारले कुस्ती प्रतियोगितामा भाग लिएका खेलाडीहरुको हात मिलाएर प्रतियोगिताको शुभारम्भ गर्ने गरेका थिए । प्रतियोगितामा भारत रामनगर, हरियाणा, बागहा, नेपालका मिर्जापुर, गर्दौल, तुल्सी बर्वा लगायतका पहलवानहरु भाग लिएका थिए । कुस्ती प्रतियोगिताको अतिथीमा दर्शन यादव, पारस साह लगायतकाको सहभागिता रहेको थियो ।
