वीरगञ्ज : गैर सरकारी संस्था महासंघ नेपाल, पर्साले शुक्रबार हावाहुरी पिडितलाई राहत वितरण गरेको छ । बाराको देवताल गाउँपालिकाको वडा नं. ७, रमपुरवाका हावाहुरी पिडितलाई महासंघले राहत वितरण गरेको हो ।
आइतबार आएको भिषण हावाहुरी प्रभावित रमपुरवाका ३० घरपरिवारलाई राहत वितरण गरिएको गैर सरकारी संस्था महासंघ पर्साका अध्यक्ष छठु साहले वताए । पिडितहरुको घर मै पुगी राहत स्वरुप भाडाब्रतन सहयोग गरिएको अध्यक्ष साहले जानकारी गराए ।
महासंघ पर्साले प्रति परिवार डेक्ची १ थान, कराही १ थान, प्लेट २ थान, डाडु १ थान, पनियु १ थान लगायतका सामग्री राहत वितरण गरेको हो । राहत वितरण गर्न गैसस महासंघ पर्साकी उपाध्यक्ष अर्चना गुप्ता, कोषाध्यक्ष मनोज यादव, सह सचिव प्रभात मिश्रा, जयनारायण चौधरी, मालती कुशवाहा लगायतको समुह प्रभावित क्षेत्र पुगेको थियो ।
रमपुरवाका पूर्ण रुपले क्षतिग्रस्त घरघर मै पगी अभाव रहेको भांडाब्रतनको वितरण महासंघले गरेको हो । नेपाली सेनाले ति क्षतिग्रस्त गाउँमा अस्थाई टहरा निर्माण पनि थालेको छ ।
