वीरगञ्ज, २१ चैत ।
हावाहुरी पिडितको व्यवस्थापनको लागि सरकारले खासै ध्यान नदिएको आलोचना भइरहेको बेला उद्योग वाणिज्य तथा आपूर्ति मन्त्री मातृका यादवले प्रभावित क्षेत्रमा राहत वितरण प्रभावकारी भएको दाबी गरेका छन । प्रभावित क्षेत्रमा सरकारको उपस्थित निरन्तर रहेको र पिडित सबै समक्क्ष राहत पुगेको मन्त्री यादवले वताएका हुन ।
प्रभावित क्षेत्रको निरिक्षण तथा राहत वितरण गर्न वीरगञ्ज पुगेका मन्त्री यादवले हावाहुरी पिडितको व्यवस्थापन गर्न सरकार लागि परेको र हाल रहेको समस्या पनि केहि दिन समाधान हुने वताएका हुन । हावाहुरी प्रभावित क्षेत्रको अधिकांश ठाउँमा आफु पुगेर अवस्था बुझदा सबैले राहत पाएको आफुले बुझेको उनले वताए ।
वीगञ्जमा पत्रकार सम्मेलन कै आयोजना गरी मन्त्री यादवले स्थानिय सरकारको राहतको कार्य पनि प्रभावकारी देखेको वताए । आयल निगमको तर्फबाट ३० किलोग्रामको १२ सय ९ बोरा चामल वितरण गरिएको उनले वताए । यसपालि हामी सन्तुष्ट रहेको वताउदै यादवले प्रभावित क्षेत्रमा सरकारको पहुंच भएन भने कुरा निराधार भएको वताए । उनले भने सरकारको पहुंच प्रभावित क्षेत्रको सबै ठाउँमा छ । हामी निरन्तर प्रभावित क्षेत्रमा छौं ।
पिडितले उचित क्षतिपुर्ति पाउन्छन कुनै किसिमको अशंका गर्नु पर्ने ठाउँ छैन । पिडितको पनि सरकार माथी विश्वास रहेको उनको भनाई थियो । पत्रकारहरुले सोधेको भुकम्प पिडितको जस्तो हावाहुरी पिडितको हालत हुदैन नि भने प्रशनको जवाफमा उनले भने अहिले नै तपाईहरु देख्नु भएको छैन पहिला भन्दा राम्रो छ ।
अक्रो प्रशनको जवाफमा स्थानिय सरकार र प्रदेश सरकारको समन्वय बारा–पर्साका प्रभावित घरहरुको निर्माण गरिने उनेको भनाई थियो । हाल घर विहिन भएकाहरुको लागि आफुले स्थानिय तथा प्रदेश सरकारलाई भनेको छु तपाईहरु बांसको व्यवस्था गर्नुस संघिय सरकारले जस्ता पाताको व्यस्था गर्छ उनले भने ।
अध्यक्ष प्रचण्डले भनेको ५÷५ लाख मृतक परिवारले पाउने पनि उनले वताए । यस अघि हवाहुरी प्रभावित पर्साको वीरगंज महानगरपालिकाको जगरनाथपुर मन्त्री यादव पुगेका थिए भने त्यस पछि नेकपाको पार्टी कार्यालय पर्सामा पार्टी कार्यकर्ताहरुलाई बोलाई प्रभावित क्षेत्रको राहतमा लाग्न निर्देशन दिएका थिए ।
