वीरगञ्ज, १९ चैत ।
समृद्ध नेपाल युवा समाजका स्वयंसेवहरु हावाहुरी प्रभावित फेटा गाउँपालिकामा श्रमदान गरेका छन । युवा समाजका दुई दर्जन जति स्वंय सेवकहरु हावाहुरी प्रभावित फेटा गाउँपालिको भरवलियामा पुगी टहरा निर्माणमा श्रमदान गरेको समाजका लक्ष्मण साहले वताए । टहरा निर्माण गर्ने क्रममा भेटिएका उनले भने घरविहिन भएकाहरुका लागि सहयोग गर्न हामी यहां पुगेका हौं । आर्थिक सहयोग गर्न नसकिए पछि श्रमदान गर्न पुगेका छौं ।
हाम्रो श्रमदानले पिडितहरुलाई बस्न राहत पुग्ने छ । हावाहुरी प्रभावित क्षेत्रमा श्रमदान गर्न पुगेका स्वंयम सेवहरु कक्षा ११ र १२ मा अध्ययनरत विद्यार्थीहरु थिए । प्रभावित क्षेत्र बाराको फेटा गाउँपालिकाको भरवलियामा नेपाली सेनाले अस्थाई टहरा निर्माण थालेको छ । फेटा गाउँपालिका १, ३ र ६ मा भत्किएका संरचना हटाएर सेनाले टहरा निर्माणको काम सुरु गरेको हो ।
आँधीका कारण घरविहीन बनेका पीडितका लागि अस्थायी बसोबास गर्न टहरा निर्माण गर्ने कार्यमा स्वयंसेवहरु श्रमदान गरेका हुन । भोली पनि हाम्रो स्वयंसेवक साथीहरुको तर्फबाट श्रमदान गर्ने कार्य जारी रहने समृद्ध युवा समाजका प्रभाकर साहले वताए । बाराको फेटा गाउँपालिकामा मात्रै चार सय भन्दा बढी घरमा क्षति पुगेको छ ।
