वीरगंज, १८ चैत ।
आइतबार साँझ आएको हावाहुरीले बारामा ठूलो मानवीय क्षति पुगेको छ । बारामा २९ जनाको ज्यान गएको छ । यसैगरी पर्सामा एक जनाको ज्यान गएको छ ।
जिल्ला प्रहरी कार्यालय बाराका प्रवक्ता एवं प्रहरी नायब उपरीक्षक हेमबहादुर शाहीका अनुसार अहिलेसम्म जिल्लामा हावाहुरीका कारण ज्यान गुमाउनेको संख्या २९ पुगेको छ । तिन सयभन्दा धेरै घाइते भएका छन् । घाइतेको उद्दारको काम रातिदेखि नै भैरहेको र बिभिन्न अस्पतालमा उपचार भैरहेको छ । अहिले पनि उदार कार्य जारी रहेको छ ।
यसैगरी पर्सामा पनि हावाहुरीले धनजनको क्षति पुर्याएको छ । त्यहाँ एकजनाको ज्यान गएको पुष्टि भएको छ ।
बाराको फेटामा हावाहुरीले एक इँटा भट्टाको चिम्नी लडाउँदा च्यापिएर तीन जनाको ज्यान गएको छ । त्यस्तै गुडिरहेको गाडी हावाले पल्टाउँदा दुई जनाको ज्यान गएको छ ।
हावाहुरीका कारण सयौँ बिजुलीका पोल ढलेको स्थानिय प्रशासनले जनाएको छ । यस्तै घरहरु पनि भत्किएका छन् ।
उद्दारमा नेपाली सेना, नेपा प्रहरी र सशस्त्र प्रहरी परिचालित भएका छन । घाइतेहरुको वीरगंजको नारायणी अस्पतला, वीरगंज हेल्थ केयर, नेशनल मेडिकल क्लेज लगायतका अस्पतालमा उपचार भइरहेको छ । अस्पताल पनी बिरामीको चापले भरीभराउ भएको छ । रक्त संचार केन्द्रमा रक्तको अभाव भएको छ ।
विनशकारी हवाहुरीले बाराको भलुवही र भरवलिया बढी प्रभावित भएको बाराको प्रमुख जिल्ला अधिकारी राजेश पौडले वताए । करिब आधाँ घण्टा सम्म चल्लेको हावाले बारा, पर्साको ठूलो जनधनको क्षति गरेको छ अझै थप थप विवरण आउने क्रम जारी रहेको छ । हावाहुरीका कारण बारा, पर्साको विधुत पनि अवरुध भएको छ ।
