वीरगञ्ज, १५ चैत ।
प्रदेश २ मा एसईई परिक्षा स्थगित भएको विरोधमा वीरगंजमा भइरहेको विद्यार्थीहरको आन्दोलन उग्र बन्दै गएको छ । प्रदर्शनमा उत्रेका विद्यार्थीहरुको वीरगंजको मुर्ली स्थित रहेको अनुभुती क्लेजमा तोडफोड गरेका छन । तोडफोडको क्रममा झडप पनि भएको छ भने झडमा परी केही विद्यार्थीहरु घाइते पनी भएका छन ।
तोडफोड गर्ने क्रममा प्रहरीले आन्दोलनरत विद्यार्थीहरु मध्ये २ जनालाई पक्राउ समेत गरेको छ । कञ्चनजंगा मा.वि.का नितेश गुप्ता र ओसिस मा.वि.का अर्जुन यादवलाई प्रहरीले नियन्त्रणमा लिएको छ । प्रदर्शनरत विद्यार्थीहरु वीरगंज बजार समेत वन्द गराएका छन भने सवारी साधनमा अवरोध गरेका छन ।
अवरोधका क्रममा केही सवारी साधन माथी तोडफोड समेत गरेका छन । हाल विद्यार्थीहरुको आन्दोलनलाई साम्य पार्न जिल्ला प्रशासन कार्यालय, पर्सामा विद्यार्थीहरुलाई वोलाई बुझाउने प्रयास भइरहेको छ ।
आज हुन भनिएको समाजिक बिषयको परीक्षा स्थगित भए पछि वीरगंज लगायत विभिन्न ठाउँका विद्यार्थीहरुले प्रदर्शन गरिरहेका छन । परिक्षा केन्द्रमा पुगेका विद्यार्थीहरुलाई परिक्षा स्थगित भएको सुचना पश्चात फर्केका आक्रोषित विद्यार्थीहरु वीरगञ्जको घण्टाघरमा टायर बालेर प्रदर्शन गर्नुको साथै तोडफोड समेत गरेका थिए । प्रदर्शनको क्रममा विद्यार्थी र प्रहरी विच झडप पनि भएको थियो ।
झडपमा परी अभिनन्दन चौहान, आशिक अंसारी, विद्यार्थी नेता मुनराज तिवारी लगायत आधा दर्जन विद्यार्थीहरु घाइते भएका छन । प्रहरीले प्रदर्शनमा उत्रेका विद्यार्थीहरु माथी पानीको फोहोरा तथा ३ राउन्ड आश्रुग्यास समेत हानेको छ । प्रहरीले विद्यार्थीहरुको आन्दोलन दबाउन पानी, आश्रुग्यास छोडे पछि विद्यार्थीहरु प्रहरी माथी ढुंगामुडा समेत गरेका थिए ।
परीक्षा अगावै बिहीबार नै प्रश्नपत्र बाहिरिएपछि सामाजिक विषयको नियमित तर्फको परीक्षा स्थगित भए पछि विद्यार्थीहरु आन्दोलित भएका हुन ।
यस अघि बिहिरबार भएको विज्ञान विषयको परिक्षा पनि रद भए पछि विद्यार्थीहरु प्रदर्शनमा उत्रेका थिए । सप्तरीमा विज्ञान विषयको परिक्षा बाहिरएको र प्रदेश भरी नै परिक्षा रद गरिए पछि आक्रोषित विद्यार्थीहरु विहिबार साझ पनि वीरगंजको घण्टाघरमा प्रदर्शन गरेका थिए ।
