वीरगंज, १५ चैत ।
प्रदेश २ को सामाजिक विषयको आजका लागि तय एसईई परीक्षा स्थगित भए पछि वीरगंज लगायतका विभिन्न ठाउँमा विद्यार्थीहरुले प्रदर्शन गरिरहेका छन । परिक्षा केन्द्रमा पुगेका विद्यार्थीहरुलाई परिक्षा स्थगित भएको सुचना पश्चात फर्केका आक्रोषित विद्यार्थीहरु वीरगंजको घण्टाघरमा टायर बालेर प्रदर्शन गर्नुको साथै तोडफोड समेत गरेका छन ।
प्रदर्शनको क्रममा विद्यार्थी र प्रहरी विच धेरै पटक झडप पनि भएको छ । हाल घण्टाघरको अवस्था तनावग्रसत नै छ । प्रहरीले प्रदर्शनमा उत्रेका विद्यार्थीहरु माथी पानीको फोहोरा तथा आश्रुग्यास समेत छोडेको छ । प्रहरीले विद्यार्थीहरुको आन्दोलन दबाउन पानी आश्रुग्यास छोडे पछि विद्यार्थीहरु प्रहरी माथी ढुंगामुडा समेत गरेका थिए ।
यस्तै बाराको कलैयामा पनि विद्यार्थीहरुले प्रदर्शन गरेका छन भने त्यहांको अवस्था पनि हाल तनावग्रस्त रहेको हाम्रा सम्वाददाताले जनाएका छन । परीक्षाअगावै बिहीबार नै प्रश्नपत्र बाहिरिएपछि सामाजिक विषयको नियमिततर्फको परीक्षा स्थगित भएको हो । प्रदेश २ का शिक्षा निर्देशक रमाकान्त शर्माले परीक्षाअगावै प्रश्नपत्र बाहिरिएपछि नियमिततर्फको सामाजिक विषयको आजको परीक्षा स्थगन गरिएको जानकारी गराए ।
यस अघि बिहिरबारको भएको विज्ञान विषयको परिक्षा पनि रद भएको थियो । सप्तरीमा विज्ञान विषयको परिक्षा बाहिरएको प्रदेश भरी नै परिक्षा रद गरिए पछि आक्रोषित विद्यार्थीहरु विहिबार साझ पनि वीरगंजको घण्टाघरमा प्रदर्शन गरेका थिए । रद भएको विज्ञान विषयको परिक्षा पुन चैत २२ गते र स्थगित भएको सामाजिक विषयको परिक्षा चैत २३ गते हुने छ ।
वीरगंजको घण्टाघरको केही तिस्बिरहरु
