मेघराज राय/जिराभवानी ।
- Advertisement -
सशस्त्र प्रहरीले पर्साको जीराभवानी गाउँपालिकाबाट आज अन्दाजी ६० किलोग्राम गाँजा बरामद गरेको छ। सशस्त्र प्रहरी बोर्डर आउट पोस्ट जानकीटोला भिखमपुरका सशस्त्र प्रहरी निरीक्षक सोम श्रेष्ठको नेतृत्वमा गस्तीमा रहेको सशस्त्र प्रहरीको टोलिले जीराभवानी गाउँपालिका ५ सखुवनियाबाट ३ बोरा अबैध लागु औषध गाँजा बरामद गरेको सशस्त्र प्रहरी निरीक्षक सोम श्रेष्ठले जानकारी दिए ।
आज राति करीब ७:४५ बजेको समयमा गस्तीमा रहेको सशस्त्र प्रहरीको टोलिलाई देख्नेबित्तिकै तस्करहरु गाँजा छोडेर भागेका थिए ।रातको समय भएकाले तस्करहरुलाई पक्राउ गर्न नसकीएको सशस्त्र प्रहरी निरीक्षक श्रेष्ठले बताए ।बरामद गरिएको गाँजा भोलि बिहान आवश्यक प्रक्रिया पुर्याएर नेपाल प्रहरीको जिम्मा लगाइने निरीक्षक श्रेष्ठले जानकारी दिए।
