वीरगन्ज, २२ फागुन ।
पोखरीया नगरपालिकाको वोर्ड सदस्यहरु विच कुटाकुट भएको छ । पोखरीया नगरपालिकाको वडा नम्बर ६ का अध्यक्ष सियानन्द चौहान र वडा नम्बर ४ का अध्यक्ष लक्ष्मण साह कानु विच आज कुटाकुट भएको हो ।
वडामा नगरपालिकाले समानुपातिक रुपमा विकासको वजेट बाडफाड नगरेको भन्दै वडा अध्यक्षहरु विच लामो समय सम्म वादविवाद हुदै आएको र आज नगरपालिकाको वोर्ड वैठकमै दुई अध्यक्ष विच हात हालाहाल भएको थियो ।
घटनाका सम्बन्धमा पोखरीया नगरपालिकाका प्रमुख दिपनारायण रौनियार मन्टुले बोर्ड वैठकमा स्मार्ट सिटीका बारेमा छलफल भएको र स्मार्ट सिटीको वजेट वडाका लागि नभई समग्र नगर विकासको योजनामा आएको हँुदा यसमा आफ्नो वडामा बजेट कम परेको भन्दै वडा अध्यक्षहरु विच विवाद भए पनि पछि सहमतिमा सल्टिएको बताए ।
