धनुषा। सामाजिक सञ्जाल फेसबुकमा धारिलो हतियार खुकुरी प्रदर्शन गर्दै त्रास फैलाउने खालको आपत्तिजनक तस्बिर पोस्ट गरेको आरोपमा धनुषामा एक युवक पक्राउ परेका छन्।
प्राप्त विवरणअनुसार, धनुषाको जनकपुर उपमहानगरपालिका–१३, धाताटोल निवासी अन्दाजी १८ वर्षीय काले भन्ने सुमन पटेलले आफ्नो फेसबुकमा धारिलो हतियार खुकुरी देखिएको तस्बिर अपलोड गरेका थिए। उक्त तस्बिरले सामाजिक सञ्जालमार्फत त्रास फैलाउने अवस्था सिर्जना गर्न सक्ने भन्दै उनलाई नियन्त्रणमा लिइएको जनाइएको छ।
उनीलाई २०८३ साल असोज २५ गते साँझ ५:३० बजे नियन्त्रणमा लिइएको विवरणमा उल्लेख छ।
घटनाबारे प्रहरीले अनुसन्धान अघि बढाएको छ। साथै, प्रचलित कानुनअनुसार आवश्यक कारबाही प्रक्रिया अगाडि बढाइएको जनाइएको छ।
सामाजिक सञ्जालको प्रयोग गर्दा जिम्मेवार बन्न र सार्वजनिक शान्ति तथा सुरक्षामा असर पार्न सक्ने सामग्री पोस्ट नगर्न प्रहरीले आग्रह गरेको छ।
