पर्सा, १८ फाल्गुन ।
पर्साको ब्लाक नम्बर ३ अन्तर्गतका जलउपभोग्ता समुहको निर्वाचनका लागी आज पोखरीया नगरपालिकाको सिचाई कार्यालयमा भएको भेलाले निवर्तमान अध्यक्ष बाबुलाल मेहतालाई निर्वाचन गराउने तथा कृषक भेला ब्यवस्थापन र बैठक बोलाउन आग्रह गरेको छ ।
पोखरीया नगरपालिकाका प्रमुख दिपनारायण रौनियारको बिशेष उपस्थिती तथा डिभिजन सिचाई ब्यवस्थापन कार्यालय बिरगंजका प्रतिनिधी सुनित गुप्ता, पकज महतो र जंगबहादुर चौधरीको रोहब्बरमा भएको ब्लाक नम्बर ३ अन्तर्गतका कृषकहरुको भेलाले यस्तो निर्णय गरेको हो ।
नारायणी सिचाई ब्यवस्थापन डिभिजन कार्यालय बिरगंज अन्तर्गतका ब्लाक नम्बर ३ अन्तर्गतका जलउपभोग्ता कृषक समुहको कार्यकाल तथा म्याद समाप्त भएकोले उक्त समिती गठन तथा निर्वाचन गर्न गराउन तदर्थ उपभोग्ता समिती र निर्वाचन परिचालन समिती गठन गर्न चैत्र ५ गते कृषक भेला गर्ने, वडा तदर्थ समितीको कृषक भेलाको ब्यवस्थापन र बैठक बोलाउने समेतको जिम्मेवारी निवर्तमान अध्यक्ष बाबुलाल मेहतालाई दिइएको प्राबिधीक पंकज चौधरीले बताएका छन ।
ब्लाक नम्बर ३ को म्याद सक्दा २०७५।३।२ गतेका दिन बलिराम तिवारीको अध्यक्षतामा ५ सदस्यी गोप्य रुपमा तदर्थ समिती बनाइएको थियो । नारायणी सिचाई ब्यवस्थापन कार्यालयमा सो बारे उजुरी पर्दा कार्यालयले २०७५।११।२ गते क पत्र काटी ३ दिन भित्र सम्मपुर्ण कागजात बुझाउन तिवारीलाई निवेदन गरे पनि आज सम्म कुनै पनि कागजात नबmुभाएका कारण भेला बोलाईएको बाबुलाल मेहताले बताए । कृषकहरुको भेलामा पुर्ब सासद प्रधुमन चौहान, लगायत सो आसपासका अगुवा कृषकहरुको सहभागीता रहेको थियो ।
