वीरगंज, ८ माघ ।
पर्साको जिराभवानी गाउँपालिकाले बुधबार एक कार्यक्रमका विच एक सय १९ जना छात्राहरुलाई नि:शुल्क साईकल वितरण गरेको छ । श्री ने.रा.मा.वि. सेढवामा भएको कार्यक्रममा कक्षा ९, १० र ११ मा अध्ययनरत छात्राहरुलाई गाउँपालिकाबाट नि:शुलक साईकल वितरण गरिएको हो ।
- Advertisement -
वडा नं. २ का वडा अध्यक्ष महादेव महतोको अध्यक्षतामा र गाउँपालिका अध्यक्ष रामपृत महतोको प्रमुख आतिथ्यतामा भएको साईकल वितरण कार्यक्रमको विशिष्ट अतिथी प्रमुख प्रशासकीय अधिकृत अमित कुमार गिरि रहेका थिए ।
गाउँपालिकाको आर्थिक बर्ष २०७५/०७६ को बेटि पढाउ बेटि बचाउ कार्यक्रम अन्तर्गत साईकल वितरण गरिएको गाउँ कार्यपालिका कार्यालयले जनाएको छ । यस भन्दा पहिला पनि गाउँपालिकाबाट कक्षा ८, ९ र १० का छात्राहरुलाई साईकल वितरण गरि सकेको छ ।
