पर्सा, ४ फागुन ।
पर्साको छिपहरमाई गाउँपालिकाको वडा नं. ५, भिस्वाबाट शनिबार सशस्त्र प्रहरीले २ वटा गिट्टी लोड गरिएको ट्रिपर पक्राउ गरेको छ । सशस्त्र प्रहरी बेस क्याम्प भिस्वाबाट खटिएको प्रहरी टोलीले ना. १ क. ५२४७ र ना. १ क. ५२४९ नम्बरको ट्रिपर पक्राउ गरेको हो । नेपालबाट भारत तर्फ तस्करी गर्नको लागि लगिरहेको गिट्टी भिस्वाबाट पक्राउ गरिएको सशस्त्र प्रहरी बेस क्याम्प पोखरियाका प्रहरी निरिक्षक महेन्द्र थापाले वताए ।
वेस क्याम्प पोखरियाको सहयोगमा पक्राउ गरिएको दुबै ट्रिपर वीरगंज पठाइएको थापाले जानकारी गराए । दिनहु जसो भारत तर्फ गिट्टी निकासी भइरहेको सुचनाको अधारमा ट्रिपर पक्राउ गरिएको प्रहरीले जनाएको छ । गिट्टी निर्यातमा कडाई गरे पछि मिर्जापुर लग्दै गरेको भनिएको ट्रिपर चालक संग गाउँपालिकाको पनि सिफारिस नभएका कारण नियन्त्रणमा लिई अनुसन्धान अगाडी बढाइएको प्रहरीको भनाई छ ।
स्थानियका अनुसार सधै भारत तर्फ गिट्टी तस्करी भइरहेको छ । स्थानिय जनप्रतिनिधि र प्रहरी कै मिलोमतोमा नै भारत तर्फ गिट्टी तस्करी भइरहेको स्थानियहरुले वताएका छन ।
