पर्सा, ३ फागुन ।
पर्साको पोखरीया नगरपालिका कुष्टरोग जोखिममा परेको शुचांकले देखाएको छ । कुष्टरोग निवारण अभियान कार्यक्रम अन्तर्गत शुक्रबार भएको पत्रकार र नगरपलिकाका पदाधिकारी बिचको अन्तराक्रिया कार्यक्रममा जिल्ला क्षयकुष्ट अधिकृत शम्भु थापाले कुष्ट रोगीको तथ्यांक प्रस्तुत गर्दै नगरपालिका जोखिममा परेको वताए ।
कुल ३७ हजार १ सय ६७ जनसंख्या रहेको पोखरीया नगरपािलकामा पहिला ९ जनामा कुष्ट रोग फेला परेको थियो । ३५ हजार ८ सय ६ जनाको सर्बे गर्दा ७९ जनालाई शंका गरिएको थियो, जस मध्ये १३ जना कुष्टरोगी भेटेका हुन । सर्बे अगाडी ९ जनाको उपचारका लागी औषधी चलिरहेको र सर्बे यता नयाँ ४ जना फेला परेकोले पोखरीया नगरपालिकाको जोखिम कायमै रहेको कार्यक्रममा प्रस्तुत गरिएको थियो ।
प्रस्तुत गरिएको तथ्यांक अनुसार ४ जना नयाँ रोगी मध्ये ३ जना महिला रहेको र २ जना १४ बर्ष मुनीको नबालिक रहेको र १ जना पुरुष रहेका छन । पोखरीया नगरपालिकाको शिववर्वामा १ जना महिला, गोबिन्दपुरमा १ जना महिला, श्रीसियामा १ जना पुरुष र बसन्तपुरमा १ जना महिला रोगी फेला परेको हो । आर्थिक बर्ष २०७४/०७५ मा पर्सा जिल्लामा १ सय १७ जना बिरामीहरुले उचार गराउने तथ्यांक छ ।
१ जना रोगीबाट १ देखी ३ जनामा यो रोग सार्न सक्छन । रोगी २ बर्ष देखी ५ बर्ष भित्रमा देखा पर्ने क्षयकुष्ट अधिकृत शम्भु यादवले बताए । पोखरीया नगरपािलकाका स्वास्थ्य सह संयोजक रामबिनय गुप्ताका अनुसार कुल जनसंख्या मध्ये १३ सय ५९ जनाको सर्बे गर्न बाकी रहेकोले थप रोगी बढन सक्ने अनुमान गरिएको छ ।
घरबाहिर रहेका ती जनसंख्याले पनि थप जोखिम दिने भएकोले पोखरीया नगरपलिकाका मेयर दिपनारायण रौनियारले जसरी भए पनि सर्बे गरी रोगी पहिचान गरी निवारण गर्नु पर्ने कुरामा जोड दिए । २०२० सम्म १० हजार जनसंख्यामा ० रोगी भेटने लक्ष्य अनुसार अगाडी बढीने कुरामा प्रमुख रौनियारको जोड थियो ।
कार्यक्रममा उप मेयर सलमा खातुनले अधिकांश दलित बस्तीमा छाला रोग देखा पर्ने भएकोले बिशेष ध्यान दलित बस्तीमा दिनु पर्ने वताइन ।
