काठमाडौं : सुख सन्देश काठमाण्डौको आयोजनामा हेल्पिङ ह्यान्डस् चिल्ड्रेन्स होम, आडेश्वरलाई सहयोग गर्ने उद्देश्यले शनिबार काठमाण्डौमा मनोरञ्जनात्मक कार्यक्रम सम्पन्न भएको छ । गोगंबुको ग्रुग रेस्ट्रो, बार एण्ड लंजमा भएको कार्यक्रम अन्तर्गत विभिन्न कलाकारहरुले आ-आफ्नो प्रतिभा प्रस्तुत गरेका थिए ।
कार्यक्रममा स्टेन्ड अप कमेडी, कविता वाचन र गित प्रस्तुत गरिएको प्रभाकर साहले बताए ।कार्यक्रममा आशिष गैरे, मोहित जोशी, विष्णु पाठक, आकार जोशी, याङ्जि लामा शेर्पा, सफल क्षेत्री, स्वस्तिक चन्द्र श्रेष्ठ र द अफनोट्स बान्डले प्रस्तुति दिएका थिए । सुख सन्देशकी अध्यक्षले समेत आफ्नो प्रस्तुति दिएकी थिइन्।
कार्यक्रमबाट उठेको रकम अनाथालयको शिक्षा र अन्य सुधारको लागि प्रयोग गरिने आयोजक संस्था सुख सन्देशकी अध्यक्ष सरिना महर्जनले जानकारी गराइन् ।
