मेघराज राय /जिराभवानी, माघ २४ ।
भारतको सहयोगमा निर्माण भइरहेको हुलाकी राजमार्गको काम पर्सामा कालिका बानिया जेभीको काम तिब्र गतिमा भईरहेको छ । हुलाकी राजमार्गको निर्माण पूर्वदेखि पश्चिमसम्म १ हजार सात सय ९२ किलोमिटर लामो हुलाकी सडक बनाउने योजना छ ।
यस्तै कालिका बानिया जेभीले जिराभवानी गाउँपालिकाको चमरीटोल देखी ठोरी गाउँपालिकाको चौतारी सम्मको ३० किलोमिटरको ठेक्का कबोल गरेका छन । पर्सा जिल्लामै ठेक्का कबोल रहेका पपु कन्सट्रक्सनका काम कालोपत्रे गर्ने कुरा त परै जाओस्, माटो हाल्ने काम पनि हुन सकिरहेको छैन ।
नेपाल सरकारले यसतर्फ कुनै किसिमको ध्यान नदिँदा ठेकेदार पपु निर्माण कम्पनीले मनोमानी तरिकाले काम गरिरहेका छन् । स्थानीयबासीहरुका अनुसार ठेकेदार कम्पनीले काम गरेको ठाउँमा पनि कमसल तथा गुणस्तरहीन सामग्री प्रयोग गरिरहेका छन् ।
अहिले पनि पपु निर्माण कम्पनीको कल्भर्ट र कैयो स्थानमा पुल निर्माणको काम अधुरै छ । लामो समयदेखि चर्चामा रहेको हुलाकी सडक अन्तर्गत पर्साको सदरमुकाम बिरगंज देखी चितवनको माडी हुँदै नवलपरासी जिल्ला सदरमुकाम सम्म जोड्ने हुलाकी मार्गमा चार पाङ्ग्रे सवारी साधन चलाउन सकिने अवस्था धेरैनै नाजुक छन ।
पर्सामा पुल निर्माणको काम ४५प्रति शत भईसकेको भएपनि पपु निर्माणको सडक बनाउने काम भने सुसत गतीमा भईरको छ । हुलाकी राजमार्ग अन्तर्गत पर्सामा कालिका बानिया जेभी र पपु कन्सट्रक्सनले ३०/३०किलोमिटर को टेन्डर साकार गरेका छन ।
पर्सामा ६० किलोमिटिर हुलाकी सडक छन । यो बषॅ बानियाँ निर्माण कम्पनीले पुल र कल्भर्ट पुर्ण रूपमा सकाएर लेआउट गरी आर्थिक वर्ष २०७६ बैशाख देखी पहिला १०किलो मिटर कालोपत्रे गरने योजना रहेको कालिका बानिया जेभीका प्रोजेक्ट मेनेजर उधब सापकोटाले जानकारी दिनुभो ।
हुलाकी राजमार्गको अन्य आयोजना जसमा हुलाकी राजमार्ग अन्तर्गत पर्सामा अहिले २ करोडदेखि माथिका साना ठूला गरी ४ वटा पुलको निर्माण भइरहेको छ । पुल निर्माण बाहेक माटो पुर्ने काम भइरहेको छ । यसबाहेक हुलाकी राजमार्गको अन्य प्रगतियोग्य काम हुन सकेको छैन ।
