वीरगंज, २३ माघ ।
पर्साको बहुदमाई नगरपालिकाको वडा नं. ३, नगरदाहामा बुधबार देखी एक महिने सिलाई कटाई तालिम सुरु भएको छ । वडा कार्यालयको आयोजनामा सुरु भएको तालिमको एक कार्यक्रमका विच नगर प्रमुख नितेन्द्र साहले उदघाटन गरे ।
तालिमको उदघाटन गर्दै नगर प्रमुख साहले सिलाई कटाई तालिमबाट महिलाहरु आत्मनिर्भर बन्न सहयोग पुग्ने वताए । तालिमबाट सिखेका सिपलाई महिलाहरुले घरमा सिमित नराखी व्यवसायको रुपमा लग्नु पर्नेमा नगर प्रमुख साहको जोड थियो ।
वडा अध्यक्ष दिनेश प्रसाद यादवको अध्यक्षता भएको उदघाटन समाहरोहमा वडा नं. २ का वडा अध्यक्ष जितेन्द्र पटेल, वडा सचिव प्रमोद यादव, श्री महाबिर साह माविका प्रअ सुरेन्द्र साह, वडा सदस्यहरु पनालाल साह, कृष्ण ठाकुर, बविता देवी, सम्सा खातुन लगायतकाको सहभागिता रहेको थियो ।
तालिम वडा नं. ३ को वडा कार्यालयको आयोजनामा सुरु भएको नगरपालिका कार्यालयको समाजिक विकास शाखाका रामबाबु पटेलले जानकारी गराए ।
