वीरगंज, १९ माघ/
वीरगंज महानगरका मेयर विजय सरावगीले विपी उद्यानमा शहीद पार्क निर्माणको शिलान्यास गरेर प्रदेश सरकारले स्थानीय निकायलाई पेलेको आरोप लगाएका छन् ।
जिल्ला समन्वय समिति, पर्सामा शुक्रवार आयोजित एक कार्यक्रममा उनले स्थानीय निकायको स्वामित्वमा रहेको जग्गामा प्रदेश सरकारले बिनास्वीकृति शहीद पार्कको शिलान्यास गरेर पेल्ने काम गरेको आरोप लगाए । उनले महानगरको स्वामित्वमा रहेको जग्गामा शिलान्यास गर्दा प्रदेश सरकारले स्वीकृति लिनुपर्ने सामान्य प्रक्रियासमेत अवलम्बन नगरेको बताए ।
विपी उद्यानमा शहीद पार्कको शिलान्यासलाई लिएर नेपाली काङ्ग्रेसले विरोध गरेको अवस्थामा आप्mनै पार्टीका मुख्यमन्त्री लालबाबू राउत गद्दी र अर्का राजपाका नेता एवं भौतिक पूर्वाधार विकासमन्त्री जीतेन्द्र सोनलले शिलान्यास गरेको शहीद पार्कको विषयमा मेयरले सार्वजनिक स्थलमा विरोध गरेका हुन् ।
मेयर सरावगी र मुख्यमन्त्री गद्दी सङ्घीय समाजवादी फोरम नेपालबाट निर्वाचित हुन् । शहीद पार्क शिलान्यास कार्यक्रममा मेयर सरावगी अनुपस्थित थिए । उनले आज दिएको अभिव्यक्तिपछि मुख्यमन्त्रीको कामबाट मेयर खुशी नभएको अनुभूति भएको छ । प्रतिकबाट
