पर्सा, १८ माघ ।
“सबैलाई प्रेम गरौं, कसैलाई घृणा नगरौं भन्ने मुल नाराका साथ अहमदिया संघ नेपालले पर्साको प्रसौनी भाठ्ठमा दुई दिने छैठौं जालसा सालाना (बार्षिक समारोह) सुरु गरेको छ । विन्दवासिनी गाउँपालिकाको वडा नं. ५, प्रसौनी भाठ्ठा स्थित श्री मसरुर पब्लिक आधारभूत विद्यालयको प्राङ्गणमा जलसा सालाना सुरू भएको हो ।
जलसा सालानाका प्रमुख अतिथि मोहम्मद अता इलाही अहसन गौरी साहेबले अहमदिया मुस्लिम जमात एउटा विशुद्ध धार्मिक तथा अध्यात्मिक जमात रहेको वताए । मानवसेवा नै सबै भन्दा ठूलो धर्म भएको बताउदै उनले विशवका २०० भन्दा बढी देशहरुमा अहमदिया जमात स्थापित भएको वताए ।
साथै साहेबले हजरत मु्हम्मद सल्लल्लाहु अलैहि व सल्लमको जीवन चरित्र र उनका आदर्शहरु लगायत मानवीय मूल्य मान्यताको रक्षा,धर्मिक सहिष्णुता,सामाजिक एकता साथैयश जमातको नारा “सबैलाई प्रेम गरौं, कसैलाई घृणा नगरौं “लाई संसारभरि व्यहारिक रूपमा फैलाउन समेत चर्चा गरेका थिए ।
जलसा सालानाको सुरुवात हजरत मिर्जा गुलाम अहमद साहेब कादियानी प्रतिश्रुत मसीह र महदी तथा कल्कि अवतार अलैहिस्सलाम, गुरदासपुर पंजाब भारत निवासीले करिब १२७ वर्षअघि कादियानबाट गर्नु भएको समेत साहेबले बताए ।
कार्यक्रममा बोल्दै विन्दवासिनी गाउँपालिकाकी उपाध्यक्ष किरण देवि गुप्ताले यो संसारमा प्रेम नै सब भन्दा ठूलो रहेको वताईन । अहमदिया संघको निमन्त्रणा त्यही कुरा लेखेको पढेर आफू प्रभावित भई कार्यक्रममा सहभागी भएको वताईन । संस्थाको उद्देश्यको सराहना गर्दै एक अर्कालाई माया गरे समाजिक सद्भाव मुस्लिम र हिन्दु बिच सधै बनी रहने वताईन ।
अहमदिया जमातले समाजमा आर्थिक रुपले पिछडिएका अति गरिब, दलित असहाय, विपनहरुका लागि निशुल्क शिक्षा, स्वास्थ्य उपचार, दैविक प्रकोपका घटनामा सहभागी हुदै सक्दो सहयोग गर्दै आएको अहमदिया संघ नेपालका महासचिव मोहन अहमदले वताए ।
अताइलाही अहसन गैरी साहेबको अध्यक्षतामा भएको कार्यक्रममा विशिष्ट अतिथि मौलाना अताहुर रहमान खालिद साहब, अतिथिहरु अहमदिया संघ नेपालका अध्यक्ष कमरुल होदा अंसारी, भारतका अताऊर रहमान साहेव,युवा अध्यक्ष समिन अहमद साहेव लगायतको विशेष उपस्थिति रहेको थियो ।
कार्यक्रममा झापा, सुनसरी, मोरङ्ग, सप्तरी, सिरहा, वारा, पर्सा, काठमाण्डौं, तनहु, चितवन,धनगढी लगायत भारतका विभिन्न स्थानहरुवाट सयौंको संख्यामा सहभागीता रहेको अहमदिया संघ नेपालका महासचीव अहमदले जानकारी गराए ।
कार्यक्रममा श्री रामचन्द्रजी महराज कि जय, श्री कृष्ण जि महाराज कि जय, हजरत इसहा मसिह कि जय र हजरत बुद्ध जि महाराज कि जयकाे जयकार लगाउदा अनौठो लाग्नेे गरेेेेको थियो ।
