मेघराज राय/जिराभवानी, १७ माघ ।
गत सोमबार बसेको मन्त्री परिषद बैठकले पर्साको ठोरी गाउँपालिकाको सेवा केन्द्र सार्ने निर्णय गरेको छ । आज सुचना तथा सन्चार प्रविधि मन्त्रालयले प्रेस बिज्ञप्ति जारी गर्दै सो जानकारी गराएको हो।प्रेस बिज्ञप्तिमा ठोरी गाउँपालिकाको सेवा केन्द्र र बोगटाङ गाउँपालिकाको नाम परिवर्तन गर्ने निर्णय भएको जनाइएको छ ।
यसअघि पहिलो गाउँ सभाबाट बहुमत सदस्यको निर्णयको आधारमा गाउँपालिकाको सेवा केन्द्र ठोरी ४ को घ्याङडाडा सार्ने निर्णय भएको थियो।त्यस्का विरुद्ध सुवर्णपुरमा २ महिना ५दिन भन्दा लामो समय आन्दोलन भएको थियो ।
यसैबीच आज सेवा केन्द्र परिवर्तनको निर्णय सार्वजनिक भएलगत्तै सुवर्णपुरबासीहरु पुनः आन्दोलित भएका छन् ।स्वतस्फूर्त सुवर्णपुर चोकमा भेला भएका स्थानीयले बिरोध गरिरहेका छन् ।
गाउँपालिका कार्यालय अघि भेला भएका स्थानीयले निर्णय सच्याउनुपर्ने भन्दै बिरोध प्रदर्शन गरिरहेको बिमल प्रधानले जानकारी दिएका छन् ।उनका अनुसार बिरोधमा उत्रिएका स्थानीयले गाउँपालिका कार्यालयमा तालाबन्दी समेत गरेका छन् ।
