वीरगंज, १६ माघ ।
वीरगंजमा प्रदेश सरकारबाट गर्न लागिएको सहिद पार्क शिलान्यासको विरोध भए पनि शिलान्यास कार्यक्रम समपन्न भएको छ । प्रदेश नं. २ सरकारबाट वीरगंजको घण्टाघर स्थित रहेको १० विघा जग्गामा सहिद पार्कको शिलान्यास भएको हो । प्रदेश नं. २ का मुख्यमन्त्री लालबाबु राउत गद्दी र भौतिक पूर्वधार विकास मन्त्री जितेन्द्र सोनलले संयुक्त रुपमा पार्कको बुधबार शिलान्यास गरेका छन ।
पार्कको शिलान्यास गर्दै मुख्यमन्त्री गद्दीले शहिदहरुको सपना सकार गर्न पार्कको निर्माण गर्न लागिएको वताए । शहीदको कुनै जात, धर्म, समुदाय नभएकोले सबैलाई पार्क निर्माणमा सहयोग गर्न आग्रह गरे । उनले भने शहिदको सम्मानको लागि पार्क निर्माण गर्न लागिएको छं, सहिदको कुनै जात, धर्म हुदैन त्यही भएर सबैले सहयोग गरिदिनुस ।
उनले थपे मधेश आन्दोल कै उपलब्धी संघियता, समावेशिता आएकाले मधेश आन्दोलनको केन्द्र भएको ठाउँमा प्रदेश सरकारले पार्क निर्माण गर्न लागरेको छ । प्रतिनिधि सभा सदस्य प्रदिप यादवले वीरगंजमा मात्र राजा, रजवटाहरुको शालिक रहेकोले सहिद पार्क निर्माण गर्न लागिएको वताए । पार्क शिलान्यासको विरोध गरेको नेपाली कांग्रेस प्रति लक्ष्ति गर्दै उनले हाती चल्ले बजार कुकुर भोके हजार भन्दै प्रदेश सरकारलाई काम अगाडी बढाउनु पर्नेमा जोड दिए ।
उनले भने आफुहरु आन्दोलन गर्नको लागि नै जन्मेको र लास भएर गुजरेका छौं आउनुस पूर्ण तयारीका साथ आउनुस हामी तयार छौं । भौतिक पूर्वधार विकास मन्त्री प्रदेश नं. २ अन्तर्गत रहेका शहरी विकास तथा भवन कार्यालय, वीरगंज पर्साले शिलान्यास कार्यक्रमको आयोजना गरेको थियो ।
विपी उद्यानको नाउमा रहेको जग्गामा प्रदेश सरकारले सहिद पार्क निर्माणको लागि ७५ लाख रकम छुट्याएको छ भने पहिलो चरणमा पार्कको वाउन्डरी वाल निर्माण गरिने शहरी विकास तथा भवन कार्यालय, पर्साका प्रमुख सरोज गोइतले वताए । शिलान्यास कार्याक्रममा वीरगंज महानगरपालिकाका मेयर विजय सरावगी सहभागि थिएन ।
उनि निकट एक व्यक्तिका अनुसार प्रदेश सरकारले स्थानिय सरकारलाई वाईपास गर्दै मनपरी गरेका कारण कार्यक्रममा मेयर सरावगी सहभागि भएका थिएन । महानगरपालिकाको स्वामित्वमा रहेको जग्गामा प्रदेश सरकारले पार्कको शिलान्यास गर्नु र सो कार्यक्रममा नगर प्रमुख सहभागि नहुनु राम्रो नभएको कार्यक्रम स्थल मै चर्चा चलेको थियो ।
शिलान्यास कार्यक्रममा नगर प्रमुख सरावगी सहित, प्रमुख जिल्ला अधिकारी, प्रहरी उपरिक्षक लगायत विभिन्न कार्यालयका प्रमुख र सुरक्षा प्रमुखहरुको पनि सहभागिता थिएन भने उपस्थिती पनि न्यून थियो । यता मंगलबार नेपाली कांग्रेसले पत्रकार सम्मेलन नै गरी पार्कको शिलान्यास कार्यक्रम स्थगित गर्न मांग गरेको थियो ।
शिलान्यास कार्यक्रममा प्रदेश सांसद रमेश प्रहलाद गिरि, राजपाका महा सचिव शिव पटेल लगायतकाले मन्तब्य राखेका थिए भने शिलान्यास कार्यक्रममा सहिदहरूकाे फोटोमा माल्यार्पण समेत गरिएको थियो ।
