वीरगंज, १६ माघ ।
संघियता सम्बन्धि एक दिने अभिमुखिकरण कार्यक्रम आज वीरगंजमा सम्पन्न भएको छ । जनजागरण युवा क्लब, बाराद्वारा संचालित सुन्दर शान्त नेपाल कार्यक्रम अन्तर्गत अभिमुखिकरण कार्यक्रम सम्पन्न भएको हो ।
कार्यक्रममा बोल्दै नागरिक संवाद मंच, पर्साका संयोजक ओमप्रकाश सरार्फले विकासको मुद्दामा सबै एक भएर संघियता महसुस हुने वताए । संघीयतामा सुशासन, पारदर्शिता र जवाफदेहिता हुनु पर्नेमा त्यसो नभएको वताए । त्यसको लागि हामिले निरन्तर खबरदारी गर्नु पर्ने बताउदै युवा नेता समेत रहेका सरार्फले तल्लो स्तरबाट नै खबरदारी जरुरी रहेको धारणा राखे ।
बाल कल्याण समिती पर्साको सभा हलमा भएको कार्यक्रमको सहजीकरण सहारा युवा क्लब, बाराकी निमा चौधरी र दलित महिला अधिकार संघ, बाराकी निला रामले गरेकी थिइन ।
कार्यक्रममा सुन्दर शान्त नेपाल कार्यक्रमकि जिल्ला संयोजक सोभा धमला, नेपालि काङ्ग्रेस महाधिबेशन समिती सदस्य किरण सरकार, राजपाकी केन्द्रिय सदस्य राम्भा मिश्रा, नेत्री उषा श्रिवास्तव, अखिल क्रान्तिकारीका केन्द्री सदस्य इशक कुमार लगायत विभिन्न गैर सरकारी संस्थाका प्रतिनिधीहरुको सहभागिता रहेको थियो ।
