वीरगंज, १५ माघ ।
प्रदेश २ का मुख्यमन्त्री लालबाबू राउतले केन्द्र सरकारले वीरगंजका उद्योगी व्यवासायीलाई लुट्ने नीतिमात्र बनाउँदै आएको बताएका छन् । होटल भिस्वामा वीरगंज उद्योग वाणिज्य सङ्घको शपथ ग्रहण कर्याक्रममा मुख्य अतिथिको रूपमा बोल्दै उनले यस्तो धारणा राखेका हुन् । उनले हालै सरकारले तोकेको मर्यादाक्रम तथा केन्द्रीय प्रहरी परिचालन ऐन अनुसार जिल्लामा प्रहरी परिचालन गर्ने अधिकार सिडिआलाई दिएकोमा आपत्ति जनाउँदै प्रदेशलाई पङ्गु बनाउन केन्द्र सरकार अघि बढदै गएको बताए ।
मुख्यमन्त्री राउतले केन्द्र सरकारले सङ्घीयता अन्तर्गत दिएको अधिकार प्रत्यायोजित नहोस् भन्ने नियतले सङ्घीय सरकारको आचरण र व्यवहार स्पष्ट हुँदै गएको बताए । मुख्यमन्त्री राउतले नेकपाको सङ्घीय सरकारको नारा मात्र ‘समृद्ध नेपाल सुखी नेपाल’ हो र सरकारले वास्तविकतामा देश समृद्ध होस् भन्ने नचाहेको बताए ।
कार्यक्रमका विशिष्ट अतिथि नेपाल उद्योग वाणिज्य महासङ्घका वरिष्ठ उपाध्यक्ष शेखर गोल्छाले देशले निर्यात कसरी बढाउन सक्छ भन्नेबारे नीति बनाएर अघि बढ्न जरूरी रहने बताए । उनले निर्यातभन्दा आयतत दिन प्रतिदिन बढदै गएकोले एक दिन औषधी र इन्धन आयात गर्न पनि नेपालमा डलर उपब्ध नहुने बताए ।
उद्योग वाणिज्य महासङ्घका अर्का उपाध्यक्ष्F किशोरकुमार प्रधानले प्रदेश २ सबैभन्दा सक्षम भएकोले यसलाई दुई नम्बरबाट १ बनाउने दिशामा लाग्न मुख्यमन्त्री र वीरगंज उद्योग वािणज्य सङ्घलाई शुभकामना दिए । उनले प्रदेश २ को वीरगंज औद्योगिक हब भएको र कृषिमा सम्भावना प्रचुर भएकोेले प्रदेश २ को विकास गरी ७ वटै प्रदेशभन्दा उत्कृष्ट प्रदेशको रूपमा विकसित बनाउन सुझाव दिए ।
गोपाल केडियाको अध्यक्षतामा नयाँ नेतृत्व
वीरगंज उद्योग वाणिज्य सङ्घको ४३ औं सधारणसभाबाट नयाँ नेतृत्व आएको छ । नवनिर्वाचित पदाधिकारीहरूले आज शपथ खाँदै जिम्मेवारी लिएपछि सङ्घको नयाँ नेतृत्वले पूर्णता पाएको हो ।
भिस्वा होटल, वीरगंजमा सङ्घका नवनिर्वाचित अध्यक्ष गोपाल केडिया र अन्य पादाधिकारीलाई प्रमुख निर्वाचन आयुक्त अधिवक्ता बालमुकुन्द खरेलले शपथ खुवाउँदै पूर्व अध्यक्ष ओमप्रकाश शर्माबाट जिम्मेवारी हस्तान्तरण गराए ।
प्रदेश २ का मुख्यमन्त्री लालबाबू राउतको प्रमुख आतिथ्यमा सम्पन्न शपथग्रहण समारोहमा अध्यक्ष केडियासँगै वरिष्ठ उपाध्यक्ष सुबोध गुप्ता, उपाध्यक्ष अनिल पटवारी, महासचिव माधव राजपाल, उद्योग सचिव अरविन्द अमात्य, वाािण्ज्य सचिव प्रेमचन्द्र गोयल, कोषाध्यक्ष रवीन्द्रकुमार वर्णवाल र सहकोषाध्यक्ष गोविन्दप्रसाद शाह रहेका छन् । नवनिर्वाचित पदाधिकारी तथा सदस्यहरूलाई प्रमुख अतिथि राउतले शुभकामना दिए ।
डस्टी कार्गो भण्डार क्षेत्रमा सिसिटिभी जडान गर्छु
अध्यक्षको रूपमा पहिलो मन्तव्य राख्दै केडियाले औद्योगिक सुरक्षा तथा संवद्र्धनका लागि उद्योग वाणिज्य सङ्घ सदैव तत्पर रहने प्रतिबद्धता जनाउँदै सङ्घ नेतृत्वले गरेको विभिन्न कार्यक्रमबारे जानकारी गराएका थिए । उनले आगामी दुई वर्षे कार्यकालमा वीरगंजमा डस्टी कार्गो भण्डारण, सिमरा विमानस्थलको स्तरोन्नति, औद्योगिक करिडोरलाई केमिकलयुक्त वारुणयन्त्र राख्न पूर्वाधार विकास र पथलैया–वीरगंज सिसिटिभी जडान गरी सुरक्षा प्रत्याभूति गराउने प्रतिबद्धता गरे ।
सङ्घको निवर्तमान अध्यक्ष ओमप्रकाश शर्माको अध्यक्षतामा शुरू भएको शपथग्रहण कार्यक्रममा नेपाल उद्योग वाणिज्य महासङ्घका वरिष्ठ उपाध्यक्ष शेखर गोल्छा, उपाध्यक्ष किशोरकुमार प्रधान, राजनीतिक दलका नेताहरू, सङ्घका पूर्व अध्यक्षहरू लगायतले शुभकामना दिए ।
विद्युत् महसुल घटाउनुपर्छ
नवनिर्वाचित अध्यक्ष केडियाले माघ १ गतेदेखि नेपाल सरकारले औद्योगिक करिडोरको लागि बढाएको विद्युत् महसुल अव्यावहारिक भन्दै घटाउन आग्रह गरेका थिए । उनले मुख्यमन्त्रीसँग, केन्द्र सरकारसँग पहल गरी विद्युत् महसुल घटाउन आग्रह गरेका थिए । उनले आजको अवस्थामा सरकारले उद्योगी व्यवसायीलाई अनुदान तथा उद्योग व्यवसायमैत्री नीति लागू गर्नुपर्नेमा उल्टै उद्योगहरू बन्द गराउन ६५ प्रतिशत विद्युत् महसुल बढाइएकोले उक्त कदम सशोधन गर्न माग गरे । प्रतिक
