वीरगंज, १५ माघ ।
सतारुढ दल नेकपा निकट अनेरास्ववियु, पर्साले संघिय संसदद्वारा बहुमतले पारीत चिकित्सा शिक्षा बिधेयकको स्वागत गरेको छ । ठाकुर राम बहुमुखी क्याम्पस वीरगंजको मुल गेट अगाडि सोमबार सान्झ दिप प्रजवलित गरि अनेरास्ववियुले प्रतिपक्षी दल नेपाली काङ्ग्रेसको बिरोधको बाहजुद पनि बहुमतले पारित शिक्षा बिधेयकको स्वागत गरेको हो ।
अनेरास्ववियु क्रान्तिकारीका केन्द्रिय सदस्य शिवम साहको अगुवाईमा भएको दिपप्रजवलित कार्यक्रममा पुर्व सांसद एंव नेकपाका नेता बिचारी यादव, युवा नेता मनोज कुमार चौधरी, प्रदेश सदस्य तेज प्रकाश निसाद, अनेरास्ववियु क्रान्तिकारीका केन्द्रीय सदस्य इशक कुमार, पर्सा संयोजक मित्रदेव यादव, ठारब ईकाई अध्यक्ष मेराजुल हवारी, ओबिसी पर्साका अध्यक्ष अकलेश साह लगायतकाको सहभागिता रहेको थियो ।
प्रतिपक्षी दल नेपाली काङ्ग्रेस निकट नेवि संघले वीरगंजमा शिक्षा बिधेयकको बिरोधमा प्रधानमन्त्री के.पि. ओलिको पुतला दहन गरेकै दिन नेकपा निकटका अनेरास्ववियुले स्वागत गरेको हो ।
