वीरगंज, १० माघ ।
सुन्दर शान्त नेपाल कार्यक्रमको बिहिबार संवाद मंच, नागरिक समाज/संस्था/संचारकर्मी तथा स्थानिय निकायको त्रैमासिक बैठक सम्पन्न भएको छ । होटल हिमाल वीरगंजमा भएको बैठकमा वोल्दै वीरगंज महानगरपालिकाकी उप मेयर शान्ति कार्कीले ३ वटा सरकारको फरक फरक निति, नियमका कारण काम गर्न ग्राहो भएको वताएकी छिन ।
बैठककी प्रमुख अतिथी समेत रहेकी उप मेयर कार्कीले सबै सरकारको छुटै छुटै अधिकार भएकोले पनि समस्या भएको वताइन । पालिकाको सवालमा अधिकार वडा अध्यक्षलाई र कर्सी मेयर, उप मेयरलाई भएको गुनासो गरिन । नयायिक समितिमा पनि काम गर्न ग्राहो भएको वताउदै उप मेयर कार्कीले अधिकार वडा अध्यक्षहरुलाई र शक्ति प्रमुख, उप प्रमुखलाई भएको वताइन । वडा अध्यक्षहरु माथी दोष थुपार्दै कार्कीले चाहेर पनि सोचे जस्तो काम गर्न नसकिएको स्विकार गरिन ।
नागरिक संवाद मञ्च पर्साको सभापति ओमप्रकाश सरार्फले लक्ष्ति बर्गको कार्यक्रम पालिकाको अधिकार भित्र राखेकोले समस्या भएको वताए । उनले सिमान्तकृत समुदायको लागि के के गर्नु भयो, कहाँ गर्नु भयो लगायतको लिखित विवरण नै आफुहरुले मांग गरि रहेको वताए । आई.टी.आई. बाट आएका सुचनाहरुको सम्बन्धमा सरोकारवालाहरुलाई बोलाएर छलफल गर्ने समेत सरार्फले वताए । उनले कार्यक्रमको लागि मात्र नभई कार्यक्रम गरि सके पछि त्यसको प्रतिफल के आयो त्यसको निगरानी तर्फ पनि लागेको वताए ।
मञ्चका सभापति सरार्फको अध्यक्षतामा भएको बैठकमा बहुदरमाई नगरपालिकाकी उप मेयर गायत्री देवी यादव, दलित महिला संघ पर्साकी अध्यक्ष निला राम, नेपाल पत्रकार महांघ पर्साका सचिव युवराज खड्का, पत्रकार वृजलाल पासवान, शिवनाथ यादव, रामाकान्त पटेल, कविता खडका लगायतकाले मन्तव्य राखेका थिए । जनजागरण युवा क्लब, बाराको आयोजनामा संचालित सुन्दर शान्त नेपाल कार्यक्रम अन्तर्गत बैठक भएको थियो । वैठकमा कार्यक्रम संचालन रहेको वीरगंज महानगरपालिका र बहुदरमाई नगरपालिकाका भित्र गरिने कार्यको योजना समेत सार्वजनिक गरिएको थियो ।
